Coronavirus: घरातचं कोरोनाचं संक्रमण होण्याचा धोका अधिक?; ब्रिटन सरकारच्या रिपोर्टमध्ये मोठी माहिती

1 / 11

कोरोना विषाणूपासून बचाव करण्यासाठी प्रत्येकाने मास्क घालणे फार महत्वाचे आहे. अनेक देशांनी मास्क घालणे बंधनकारक केले आहे. मात्र ब्रिटनचं मत याबाबतीत वेगळे आहे. ब्रिटनमध्ये यापुढे लोकांनी कार्यालयात मास्क घालणे बंधनकारक नाही. ब्रिटनचे आरोग्य सचिव मॅट हॅनकॉक म्हणतात की, ऑफिसपेक्षा घरी जास्त लोक संसर्गित होत आहेत, म्हणूनच कार्यालयात मास्क लावणे इतके महत्वाचे नाही.

2 / 11

मॅट हॅनकॉक म्हणाले की, फ्रान्सप्रमाणेच ब्रिटनमधील लोकांनाही मास्क घालून कार्यालयात येण्यास भाग पाडले जाऊ शकत नाही कारण इथल्या चाचण्या आणि ट्रेस योजना दर्शवितात की बहुतेक लोक ऑफिसऐवजी त्यांच्या घरात संक्रमित होत आहेत.

3 / 11

मॅट हॅनकॉक यांनी बीबीसी सांगितले की, आम्ही अद्याप आमच्या कार्यालयांमध्ये मास्क घालणे बंधनकारक करणे विचारात घेत नाही आहोत. एनएचएस चाचणी आणि ट्रेसमधील डेटा हे याचे कारण आहे. आकडेवारीवरून असे दिसून आले आहे की बहुतेक लोक त्यांच्या कुटूंबाद्वारे किंवा एकमेकांच्या घरी जाऊन संक्रमित होत आहेत.

4 / 11

चाचणी व ट्रेसमधील आकडेवारीवरून असे दिसून आले आहे की, कार्यालयात कोरोना विषाणूची लागण झालेल्या लोकांची संख्या फारच कमी होती. त्यामुळेच कार्यालयात लोकांसाठी मास्क घालणे आवश्यक नसल्याचं हॅनकॉक यांनी सांगितले आहे.

5 / 11

यापूर्वी दक्षिण कोरियामधील शास्त्रज्ञांनी असा दावा केला आहे की, घरात राहूनही लोकांमध्ये कोरोनाचा संसर्ग होत आहे. कोरोना विषाणू बाहेरून घरात येणार्‍या सामानाद्वारे पसरतो. दक्षिण कोरियाचा हा अभ्यास यूएस सेंटर फॉर डिसीज कंट्रोल अँड प्रिव्हेंशनमध्ये प्रकाशित करण्यात आला होता.

6 / 11

अभ्यासामध्ये असं म्हटले गेलं आहे की, प्रत्येक १० रुग्णापैकी १ रुग्ण आपल्या घरातील कुटुंबातील सदस्यांमुळे संक्रमित झाला आहे. या अभ्यासामध्ये कोरोना आणि वयाशी संबंधित बरीच माहिती देखील देण्यात आली आहे.

7 / 11

अभ्यासानुसार, मुले व घरात राहणारे वृद्ध यांना कोरोनाचा सर्वात जास्त संसर्ग झाला आहे. याचे कारण असे की मुले आणि वृद्ध घरातील सर्व सदस्यांच्या जवळ राहतात म्हणून त्यांना संसर्ग होण्याची शक्यता वाढते.

8 / 11

फक्त घरी राहणे म्हणजे कोरोना संक्रमणापासून संरक्षण मिळण्याची हमी नाही. आपण बाहेरच नव्हे तर घरी असताना देखील सोशल डिस्टेसिंगचं पालन करणं गरजेचे आहे. तरच आपण कोरोना संसर्ग टाळू शकतो असं आरोग्य तज्ञ म्हणतात.

9 / 11

अनेक देशांमध्ये मास्क घालण्याबाबतही प्रश्न उपस्थित केले जात आहेत. बरेच लोक या बाजूने आहेत की मास्क घालणे बंधनकारक केले जाऊ नये. लँसेट मॅगझिनमध्ये प्रसिद्ध झालेल्या अहवालात असा दावाही करण्यात आला आहे की कोरोना विषाणूपासून बचाव करण्यासाठी फक्त मास्क पुरेसे नाही.

10 / 11

या अभ्यासामध्ये असं सांगितलं गेलं होतं की, मास्क घालून कोविड -१९ ची जोखीम ३ टक्क्यांनी कमी होते तर डोळ्याच्या संरक्षणामुळे ते ५.५ टक्क्यांनी कमी होते. चेहरा झाकून आणि सोशल डिस्टेसिंगमुळे व्हायरसचा प्रसार कमी होतो असं स्पष्टपणे रिपोर्टमध्ये सांगण्यात आलं आहे.

11 / 11

कोरोना विषाणूवर आतापर्यंत केलेल्या सर्व संशोधनात, समान गोष्ट समोर येते की मास्कसह सोशल डिस्टेंसिंग ठेवल्यास, संसर्गाची शक्यता बरीच कमी होते.