विमानातून बॉम्बफेक करून ट्रम्प यांना ठार मारण्याचा इराणचा कट?; 'त्या' ट्विटनं एकच खळबळ

1 / 10

अमेरिकेचे माजी अध्यक्ष डोनाल्ड ट्रम्प यांच्या विरोधात इराण मोठा कट रचत असल्याची शक्यता वर्तवली जात आहे. इराणकडून करण्यात आलेल्या एका ट्विटमुळे याबद्दलच्या चर्चेला उधाण आलं आहे.

2 / 10

इराणनं पुन्हा एकदा बदल्याची भाषा केली आहे. इराणमधील तस्नीम नावाच्या वृत्तसंस्थेनं एक फोटो ट्विट केला आहे. त्यात डोनाल्ड ट्रम्प गोल्फ खेळताना दाखवण्यात आले आहेत.

3 / 10

डोनाल्ड ट्रम्प खेळत असलेल्या गोल्फ मैदानावर बी-२ या अणूबॉम्ब फेकू शकणाऱ्या विमानाची सावली दिसत आहे.

4 / 10

इराणी लष्कराचे जनरल कासिम सुलेमानी यांच्या हत्येचा आदेश देणाऱ्यांचा बदला घेऊ, असा सूचक इशारा ट्विट करण्यात आलेल्या फोटोसह देण्यात आला आहे.

5 / 10

बी-२ बॉम्बरच्या छायेत डोनाल्ड ट्रम्प यांचा फोटो प्रसिद्ध करणाऱ्या तस्नीम वृत्तसंस्थेनं 'बदला घेणं अनिवार्य आहे' असं शीर्षकात म्हटलं आहे.

6 / 10

इराणी लष्कराचे टॉप कमांडर जनरल कासिम सुलेमानी यांच्या हत्येचा बदला घेण्याची धमकी इराणमधील सर्वोच्च धार्मिक नेते अयातुल्ला अली खोमेनेई यांनी डिसेंबरमध्ये दिली होती.

7 / 10

अमेरिकेचे अध्यक्ष असताना डोनाल्ड ट्रम्प यांनी जनरल कासिम सुलेमानी यांच्या हत्येचे आदेश दिले होते.

8 / 10

३ जानेवारी २०२० रोजी एका ड्रोन हल्ल्यात अमेरिकी सैन्यानं सुलेमानी यांची हत्या केली. सुलेमानी बगदादमधील आंतरराष्ट्रीय विमानतळावरून कारनं निघाले असताना त्यांची हत्या करण्यात आली.

9 / 10

अमेरिकेनं सुलेमानी यांची हत्या केल्यानंतर इराण आणि अमेरिका यांच्यातील संबंध ताणले गेले. इराणनं इराकमधील अमेरिकेच्या लष्करी तळांवर हल्ले केले.

10 / 10

ट्रम्प यांच्या अटकेसाठी इराणनं काही दिवसांपूर्वी इंटरपोलची मदत मागितली. ट्रम्प यांच्यासह अमेरिकेच्या ४७ अधिकाऱ्यांविरोधात रेड कॉर्नर नोटीस जारी करा, अशी मागणी इराणनं केली आहे.