France Fuel Protest: इंधन दरवाढीमुळे फ्रान्समध्ये हिंसक आंदोलन

1 / 8

फ्रान्समध्ये गेल्या पंधरा दिवसांपासून पेट्रोल-डिझेलवरील करवाढीच्या निषेधार्थ सरकारविरोधी हिंसक आंदोलन चांगलेच चिघळले आहे. (Image Credit : Twitter)

2 / 8

जाळपोळ आणि तोडफोडीच्या घटनांमुळे फ्रान्समध्ये भयानक अशांतता पसरली असून, दंगल उसळू नये, म्हणून सरकारचा आणीबाणी लागू करण्याचा विचार आहे.

3 / 8

फ्रान्समधील आतापर्यंतच्या हिंसाचारात सुरक्षा दलाच्या 23 जणांसह 133 जण जखमी झाले असून, 412 जणांना अटक करण्यात आली आहे.

4 / 8

पेट्रोल-डिझेल महाग असताना, त्यावरील कर वाढविण्यात आल्याच्या विरोधात मोठ्या संख्येने लोक पिवळा अंगरखा, जाकीट घालून रस्त्यावर उतरल्याने, पोलीस आणि निदर्शकांत चकमकी झाल्या.

5 / 8

संतप्त आंदोलकांनी 190 ठिकाणी आगी लावल्या. रस्त्यावर उभी असलेली अनेक वाहने पेटवून दिली, शिवाय 5 इमारतींनाही आग लावली.

6 / 8

फ्रान्समध्ये निदर्शकांना पांगविण्यासाठी पोलिसांनी अश्रुधुरासोबत पाण्याचा मारा केला.

7 / 8

रविवारी सकाळीही निदर्शकांनी दक्षिण फ्रान्सस्थित नरबॉनजीकचा एक टोलनाका पेटवून दिला, तसेच पूर्व फ्रान्समधील लिऑननजीक उत्तर-दक्षिण प्रमुख मार्गावर रस्तारोको केला.

8 / 8

फ्रान्समध्ये डिझेलच्या किमती गेल्या वर्षभरात 23 टक्के वाढल्या आहेत. तिथे 1.51 युरो (120 रुपये) प्रति लीटर एवढा डिझेलचा भाव आहे. सरकारने त्यावर आणखी कर वाढविला आहे आणि 1 जानेवारीपासून त्यावर आणखी कर लावला जाणार आहे.