सलाम! उपचार करताना डॉक्टर महिलेला संसर्ग झाला; कोरोनाबाधितांची सेवा करत करत प्राण सोडला

1 / 11

चीनच्या वुहानमधून जगभरात पसरलेल्या कोरोना विषाणूनं सर्वत्र दहशत निर्माण केलीय.

2 / 11

चीनमध्ये हजारो लोकांचा जीव घेणाऱ्या कोरोनानं आता इटली, इराणमध्ये धुमाकूळ घातलाय.

3 / 11

इराणमध्ये कोरोनामुळे आतापर्यंत दीड हजारांहून अधिक जणांचा मृत्यू झालाय.

4 / 11

तब्बल २० हजारांहून अधिक जणांना कोरोनाची बाधा झाल्यानं इराणची अवस्था अतिशय वाईट झालीय.

5 / 11

कोरोनाबाधितांची संख्या वाढतच असल्यानं इराणमधील आरोग्य व्यवस्थेवर प्रचंड ताण आलाय.

6 / 11

इराणमधील एका महिला डॉक्टरचा रुग्णांवर उपचार करता करताच मृत्यू झालाय.

7 / 11

डॉ. शिरीन रुहानी यांचा कोरोनाबाधितांवर उपचार करताना मृत्यू झाला.

8 / 11

रुग्णांवर उपचार करता करता शिरीन यांची प्रकृती खालावत होती. मात्र तरीही आयव्ही लावून त्या रुग्णसेवा करत होत्या.

9 / 11

रुग्णांची संख्या सातत्यानं वाढत असल्यानं, डॉक्टरांची संख्या कमी असल्यानं शिरीन विविध रुग्णालयांमध्ये फिरत होत्या. रुग्णांवर उपचार करत होत्या.

10 / 11

आधीच प्रकृती ठीक नसल्यानं शिरीन यांना कोरोनाची लागण झाली. मात्र तरीही त्या रुग्णांवर उपचार करत राहिल्या.

11 / 11

अखेर शिरीन यांचा कोरोनामुळेच मृत्यू झाला. रुग्णसेवेची शपथ घेतलेल्या शिरीन यांनी अखेरच्या श्वासापर्यंत त्यांची शपथ पाळली.