दुर्दैवी... ओमानच्या समुद्रात उसळलेल्या लाटेत मराठमोळं कुटुंब हरपलं

1 / 9

कामानिमित्त दुबई येथे स्थायिक झालेले तिघे बाप-लेक ओमान येथे पर्यटनासाठी गेल्यानंतर समुद्रात बेपत्ता झाले आहेत. ही घटना रविवारी घडली.

2 / 9

गेल्या तीन दिवसांपासून त्यांचा शोध लागलेला नाही. शशिकांत म्हमाणे, त्यांची नऊ वर्षांची मुलगी श्रुती व सहा वर्षांचा मुलगा श्रेयस अशी बेपत्ता झालेल्या तिघांची नावे आहेत.

3 / 9

या घटनेला जत येथील त्यांचे बंधू वकील राजकुमार म्हमाणे यांनी दुजोरा दिला आहे. सध्या सोशल मीडियावर या घटनेचा व्हिडिओ व्हायरल झाला असून सर्वांनीच हळहळ व्यक्त केली

4 / 9

शशिकांत म्हमाणे दुबई येथील बहुराष्ट्रीय कंपनीमध्ये यांत्रिकी अभियंता आहेत. अनेक वर्षे ते संयुक्त अरब अमिरातीमधील विविध कंपन्यांमध्ये अभियंता पदावर कार्यरत आहेत.

5 / 9

कुटुंबासह ते दुबईमध्येच स्थायिक झाले आहेत. रविवारी ईदच्या सुटीनिमित्त ते पत्नी सारिका, मुलगा श्रेयस, मुलगी श्रुती व अन्य काही मित्रांसोबत पर्यटनासाठी दुबईपासून जवळच असलेल्या ओमान येथील समुद्र किनाऱ्यावर गेले होते.

6 / 9

अत्यंत आनंदी व उत्साही वातावरणामध्ये सहलीसाठी निघाल्याचा एक व्हिडिओही त्यांनी सोशल मीडियावर शेअर केला होता. तर, या सहलीचे फोटोही त्यांनी आनंदाने शेअर केले होते.

7 / 9

ओमान येथील सलालाह समुद्रकिनारी प्रचंड लाटा उसळत असताना त्याठिकाणी हे सर्वजण समुद्रस्नानाचा आनंद घेत होते. अचानक एक मोठी लाट आल्याने शशिकांत म्हमाणे, त्यांची मुलगी श्रुती व मुलगा श्रेयस हे तिघेही समुद्रात बेपत्ता झाले.

8 / 9

म्हमाणे कुटुंबातील वडील, मुलगा आणि मुलगी बेपत्ता झाल्याचे वृत्त समजताच जतमध्ये हळहळ व्यक्त झाली. तर, सोशल मीडियातूनही सर्वांनीच हळहळ व्यक्त केली.

9 / 9

हा व्हिडिओ पाहिल्यानंतर काळीज हेलवणारी ही घटना असल्याचं सांगत अनेकांनी पावसाळ्यात पाण्यापासून दूर राहण्याचा सल्ला मित्रपरिवाराला दिला. तसेच, सेल्फी अन् फोटापेक्षा जीव महत्त्वाचा हेही अनेकांनी सांगितलंय.