हे आहेत जगातील सर्वात धोकादायक प्राणी

1 / 12

या जगात लाखो प्रकारचे प्राणी आणि जीवजंतू वास्तव्य करून आहे. या सर्व प्राणीमात्रांमधील काही जीव हे अत्यंत धोकादायक मानले जातात. अशाच प्राण्यांचा घेतलेला आढावा.

2 / 12

शार्क आणि लांडग्यांना जगातील सर्वात धोकादायक प्राणी समजले जाते. या प्राण्यांमुळे वर्षाकाठी सरासरी दहा जणांचे प्राण जात असल्याची नोंद आहे.

3 / 12

जमिनीवरील सर्वात हिंस्र प्राण्यामध्ये सिंहाची तर सर्वात शक्तिशाली प्राण्यांमध्ये हत्तीची गणना होते. या प्राण्यांच्या हल्ल्यात दरवर्षी प्रत्येकी सरासरी 100 जणांचा जीव जातो.

4 / 12

पाणघोडा हा प्राणी शाकाहारी आहे. पण तो तितकाच हिंस्र आहे. त्याच्या हल्ल्यात दरवर्षी सुमारे 500 जण मृत्युमुखी पडतात.

5 / 12

मगर हा उभयचर प्राणी खूप धोकादायक मानला जातो. मगरींच्या हल्ल्यात दरवर्षी जगभरातील 1000 जणांचा मृत्यू होतो.

6 / 12

टेपवर्म या या परजिवी जंतुमुळे दरवर्षी सुमारे 2 हजार जणांना प्राण गमवावे लागते.

7 / 12

टेपवर्मप्रमाणेच एस्केरिस राउंडवर्म हा जीवसुद्धा परजिवी आहे. तो दरवर्षी सुमारे 2500 जणांच्या मृत्यूस कारणीभूत ठरतो.

8 / 12

विविध प्रकारच्या माशा आणि कीटकांमुळे दरवर्षी सुमारे 10 हजार जणांचा मृत्यू होतो. हे स्वत: मृत्यूचे कारण ठरत नाहीत तर त्यांच्या शरीरावरील परजीवी मृत्यूचे कारण ठरतात.

9 / 12

कुत्रा हा माणसाचा सर्वात लाडका पाळीव प्राणी मानला जातो. मात्र दरवर्षी श्वानदंशामुळे सुमारे 25 हजार मृत्यू होतात.

10 / 12

सर्वच साप विषारी नसतात. मात्र सापांच्या काही विषारी प्रजातीमधील सर्पांनी केलेल्या दंशामुळे दरवर्षी सुमारे 50 हजार मृत्यू होतात.

11 / 12

मानव हा सुद्धा भूतलावरील सर्वात धोकादायक प्राण्यांपैकी एक आहे. मानवी हिंसाचारामध्ये दरवर्षी सुमारे 4 लाख 75 हजार माणसांचा आपला जीव गमवावा लागतो.

12 / 12

डास हे सुद्धा जगातील सर्वात धोकादायक जीवांपैकी एक आहेत. डासांच्या चावण्यामुळे विविध आजार होऊन जगभरात दरवर्षी सुमारे 7 लाख 25 हजार जणांना जीव गमवावा लागतो.