चीनला धडा शिकवण्यासाठी अमेरिकेची तयारी, लवकरच उचलणार मोठं पाऊल; व्हाऊट हाऊसचा दुजोरा

1 / 10

कोरोना व्हायरसचं जगभरात थैमान घातल्यापासून अमेरिका आणि चीन यांच्यातील वाद आणखी विकोपाला गेला आहे. आता हॉंगकॉंगमध्ये चीनकडून आणलेल्या नवीन कायद्यावरुन दोन्ही देशांमधील वातावरण पेटलं आहे.

2 / 10

आता अमेरिकेने चीनला थेट इशारा दिला आहे की, ते चीनवर मोठी कारवाई करणार आहेत, पण चीनला नेमका काय धडा शिकवणार हे अमेरिकेने स्पष्ट केले नाही, व्हाईट हाऊसने याची माहिती दिली आहे.

3 / 10

कोरोना विषाणू साथीचा प्रादुर्भाव होण्यापासून अमेरिका आणि चीनमधील संबंधात कटुता वाढली आहे. राष्ट्रपती डोनाल्ड ट्रम्प कोविड -१९चा उद्रेक हाताळण्याबाबत चीनवर निशाणा साधत आहेत. त्यांनी कोरोनाला चिनी विषाणूचं नावही दिले. महत्त्वाचे म्हणजे या विषाणूचा सर्वाधिक परिणाम होणारा देश म्हणजे अमेरिका आहे.

4 / 10

हाँगकाँगमध्ये आणलेल्या वादग्रस्त राष्ट्रीय सुरक्षा कायद्याबद्दलही दोन्ही देशांमध्ये संघर्ष आहे. याखेरीज अमेरिकन पत्रकारांच्या चीनमध्ये जाण्यावर निर्बंध, उयगुर मुस्लिमांवरील अत्याचार आणि तिबेटमधील सुरक्षा ही काही मुद्द्यांवरील आहेत ज्यांच्यावर अमेरिका आणि चीनमध्ये खूप तणाव आहे

5 / 10

व्हाइट हाऊसचे प्रेस सचिव कायल मॅकेन्नी यांनी बुधवारी पत्रकारांना सांगितले की, चीनवर काय पाऊल उचलले जात आहे त्याबद्दल राष्ट्रपतींच्या वक्तव्यापेक्षा मी अधिक काही सांगू शकत नाही. पण लवकरच चीनवर कोणती पावले उचलली जातील हे आपणास कळेल. मी याची पुष्टी करू शकतो.

6 / 10

मॅकेन्नी व्हाईट हाऊसचे चीफ ऑफ स्टाफ, राष्ट्रीय सुरक्षा सल्लागार आणि राज्य सचिव यांच्यासह प्रशासनाच्या उच्च अधिकाऱ्यांच्या ताज्या वक्तव्यावरील प्रश्नाला उत्तर देत होते. या निवेदनात असे संकेत दिले गेले आहेत की येत्या काही काळात राष्ट्रपती चीनविरूद्ध कठोर उपाययोजना करु शकतात.

7 / 10

अमेरिकेचे राष्ट्रीय सुरक्षा सल्लागार रॉबर्ट ओ ब्रायन यांनी बुधवारी पत्रकारांना सांगितले, चीनने हाँगकाँग ताब्यात घेतला आहे. ते अलीकडेच चीनने सुरू केलेल्या नवीन राष्ट्रीय सुरक्षा कायद्याचा संदर्भ देत होते, जे चीनने पूर्वीच्या ब्रिटीश वसाहतीवर थोपवला होता.

8 / 10

ते म्हणाले, मला वाटते की, आगामी काळात चीनवर काही कठोर पावले उचलली जातील. चीनच्या विरोधात उभे असलेले अमेरिकेच्या इतिहासात डोनाल्ड ट्रम्प यांच्यासारखे कोणतेही अध्यक्ष नव्हते. व्यापार असंतुलन रोखण्यासाठी चीनवर अवजड दर लावणारे ते पहिले अध्यक्ष आहेत.

9 / 10

तत्पूर्वी सीमा वादावरून अमेरिकेचे परराष्ट्रमंत्री माईक पोम्पीओ यांनी चीनवर सडकून टीका केली. कोणताही शेजारी देश असा नाही की, ज्यासोबत चीनचा सीमा विवाद झालेला नाही, असं माईक पोम्पीओ म्हणाले. अलीकडेच चीनने भूतानबरोबरच्या आपल्या सीमा वादाचा उल्लेखही केला आहे. तर लडाखमध्ये चिनीने घुसखोरी केल्याबद्दल भारताने घेतलेल्या भूमिकेचेही माईक पोम्पीओ यांनी कौतुक केले आहे.

10 / 10

दरम्यान, दक्षिण चीन सागरात अमेरिकेच्या युद्धनौका अभ्यास सराव करुन चीनला लष्करी ताकद दाखवत आहे. चीनच्या अधिकृत माध्यम ग्लोबल टाइम्समधून अमेरिकेला धमकावण्याचा प्रयत्न झाला पण अमेरिकेने या धमकीला खिल्ली उडवत चीनला आव्हान दिलं.