प्रो-कबड्डी : पाटणा पायरेट्सचा सलग तिस-यांदा अंतिम फेरीत प्रवेश

1 / 5

फॉर्मात असलेल्या प्रदीप नरवालच्या जोरदार चढायांच्या जोरावर पाटणा पायरेट्सने प्रो-कबड्डी लीगमध्ये बंगाल वॉरियर्सला ४७-४४ असे नमवून सलग तिस-यांदा अंतिम फेरीत प्रवेश केला.

2 / 5

पाटणाकडून परदीपने ३६ चढायांमध्ये २३ गुण मिळवले. बंगालकडून मनिंदरसिंगने २१ चढायांत १७ गुण घेतले. मात्र, त्याला दीपक नरवालने १० गुण घेत त्याला चांगली साथ दिली.

3 / 5

जवाहरलाल नेहरू इनडोअर स्टेडियममध्ये ही क्वालिफायर-२ची लढत रंगली. पाटणा पायरेट्स संघाने एलिमिनेटर-२ लढतीत हरियाणा स्टीलर्स, तर एलिमिनेटर-३ लढतीत पुणेरी पलटण संघाला नमवून क्वालिफायर-२ लढतीत प्रवेश केला होता.

4 / 5

दुसरीकडे, क्वालिफायर-१ लढतीत बंगाल वॉरियर्सला गुजरात फॉर्च्युनजायंट्स संघाकडून पराभव पत्करावा लागला होता. यंदाच्या मोसमात बंगालने पाटणाला एकदा नमविले होते, तर या दोघांमधील दोन लढती बरोबरीत सुटल्या होत्या.

5 / 5

पाटणा पायरेट्स संघाने सलग तिस-यांदा प्रो-कबड्डीच्या अंतिम फेरीत प्रवेश केला. त्यांनी गेल्या वर्षीच्या दोन्ही मोसमात विजेतेपद पटकावले आहे. विजेतेपद राखण्यासाठी पाटणाची २८ ऑक्टोबरला गुजरात फॉर्च्युनजायंट्सविरुद्ध लढत होईल.