मोदींची जादू, शाहांची रणनीती आणि शिवराज यांची लाडली बहना योजना, मध्य प्रदेशात भाजपच्या विजयाची 5 कारणे!

1 / 7

मध्यप्रदेशात निवडणूक कलांमध्ये भाजपने निर्विवाद आघाडी घेतली आहे. राज्यात भाजप नंबर एकचा पक्ष ठरला असून कलांमध्ये बहुमताचा आकडाही पार केला आहे. सुरुवातीच्या कलांचे निकालात रूपांतर झाल्यास मध्य प्रदेशात पुन्हा एकदा भाजपची सत्ता येईल. मध्य प्रदेशात 2003 पासून सातत्याने भाजप सत्तेत आहे, 2018 मध्ये काँग्रेसची नक्कीच पुनरागमन झाली होती, पण 2 वर्षातच ज्योतिरादित्य शिंदे यांच्या बंडानंतर सत्ता काँग्रेसच्या हातातून निसटली आणि पुन्हा एकदा याठिकाणी भाजप सत्तेत आले. आता पुन्हा एकदा भाजप विजयाच्या वाटेवर आहे.

2 / 7

दरम्यान, आता मध्यप्रदेशचा मुख्यमंत्री कोण होणार अशी चर्चा रंगली आहे. भाजप पुन्हा एकदा शिवराज सिंह चौहान यांच्या हातीच राज्याची सत्ता देणार की अन्य कुणाला मुख्यमंत्री करणार याकडे सर्वांचे लक्ष लागले आहे. दरम्यान, मध्य प्रदेशात भाजपची पुन्हा एकदा विजयाकडे कूच करण्यामागील कारण काय होते? पीएम नरेंद्र मोदींचा चेहरा की शिवराज सिंह चौहान यांनी राज्यात राबवलेल्या योजना? काय होते भाजपच्या विजयाचे कारण? जाणून घ्या...

3 / 7

मुख्यमंत्री शिवराज सिंह यांच्या लाडली बहना योजनेचा निवडणुकीत भाजपच्या विजयात मोठा वाटा होता. निवडणूक प्रचारादरम्यान शिवराज सिंह म्हणाले होते की, लाडली बहना योजनेअंतर्गत सरकारने राज्यातील सुमारे 1 कोटी 31 लाख महिलांच्या खात्यात 1250 रुपयांचे दोन हप्ते जमा केले. त्याचा पुरेपूर फायदा भाजपला झाला. महिलांनी भाजपला मोठ्या प्रमाणात मतदान केले, यावेळी निवडणुकीत सुमारे 34 विधानसभा जागांवर महिलांनी पुरुषांपेक्षा जास्त मतदान केले, त्यामुळे भाजपला स्पष्ट फायदा होताना दिसत आहे. विशेष म्हणजे पंतप्रधान नरेंद्र मोदींनीही आपल्या अनेक निवडणूक सभांमध्ये लाडली बहना योजनेचा उल्लेख करताना दिसले होते.

4 / 7

मध्य प्रदेशच्या निवडणुकीतही भाजपने हिंदुत्वाचे कार्ड खेळले. गृहमंत्री अमित शहा, उत्तर प्रदेशचे मुख्यमंत्री योगी आदित्यनाथ आणि स्वतः मुख्यमंत्री शिवराज सिंह चौहान यांनी प्रत्येक रॅलीत राम मंदिराचा उल्लेख केला. मध्य प्रदेशातील 230 विधानसभा जागांवर भाजपने एकाही मुस्लिम उमेदवाराला तिकीट दिले नाही.

5 / 7

मध्य प्रदेशात पुन्हा एकदा भाजपच्या पुनरागमनात पक्षाच्या सोशल इंजिनीअरिंगचाही मोठा हातभार लागला आहे. राज्यातील दलित, आदिवासी, ओबीसी, सर्वसामान्य आणि इतर जातींनी काँग्रेसपेक्षा भाजपला जास्त मतदान केले. सर्वसाधारण आणि ओबीसी मतांच्या लढाईत काँग्रेस भाजपपेक्षा खूपच मागे पडली. ज्याचे परिणाम त्यांना पराभवासह भोगावे लागले आहेत.

6 / 7

मध्य प्रदेशात नरेंद्र मोदींच्या चेहऱ्यावर निवडणूक लढवली गेली, नरेंद्र मोदींनी राज्यात जवळपास 14 सभा घेतल्या. प्रत्येक रॅलीमध्ये नरेंद्र मोदींनी सरकारच्या कल्याणकारी योजनांचा उल्लेख केला आणि त्यांच्या कामावर मते मागितली. गृहमंत्री अमित शहा यांनी निवडणुकीसाठी आखलेली रणनीती. त्यात ते यशस्वी ठरले. अमित शहा यांनी स्वतः निवडणुकीच्या रणनीतीची कमान सांभाळली, काँग्रेसच्या मजबूत जागांवर बूथ सांभाळले. नाराज नेत्यांना पटवले, त्याचा निवडणुकीत फायदा झाला.

7 / 7

भाजपने आमदार निवडणुकीसाठी आपले खासदार उभे केले. त्यामुळे भाजपने असा निर्णय का घेतला, असा प्रश्न उपस्थित झाला. पण भाजपची ही खेळी कामी आली. नरेंद्रसिंह तोमर, फग्गनसिंह कुलस्ते, प्रल्हाद पटेल यांसारखे मैदानात उतरलेले नेते भाजपसाठी मास्टर स्ट्रोक ठरले.