जगातील बलाढ्य कंपनी राज्यात येणार? आदित्य ठाकरेंकडून तयारी सुरू

1 / 9

पर्यावरण आणि पर्यटन मंत्री आदित्य ठाकरेंनी जगप्रसिद्ध कंपनीला महाराष्ट्रात आणण्यासाठी प्रयत्न सुरू केले आहेत. त्यांच्या प्रयत्नांना यशदेखील मिळताना दिसत आहे.

2 / 9

आदित्य ठाकरेंनी इलॉन मस्क यांना राज्यात येण्याचं आमंत्रण दिलं आहे. ठाकरेंच्या आमंत्रणाला मस्क यांनीदेखील सकारात्मक प्रतिसाद दिला आहे.

3 / 9

इलॉन मस्क इलेक्ट्रिक कार कंपनी टेस्लाचे संस्थापक आहेत. त्यांच्यासोबत झालेल्या संवादाची माहिती आदित्य ठाकरेंनी ट्विटरवरून दिली आहे.

4 / 9

टेस्लाला महाराष्ट्रात आणण्यासाठी उद्योग मंत्री सुभाष देसाई यांच्यासह मस्क यांच्यासोबत बातचीत केल्याचं आदित्य ठाकरेंनी ट्विट करून सांगितलं आहे.

5 / 9

राज्य सरकार सातत्यानं विकासासाठी काम करत असल्याचं ठाकरेंनी ट्विटमध्ये म्हटलं आहे.

6 / 9

आदित्य ठाकरेंच्या ट्विटला मस्क यांनी सकारात्मक प्रतिसाद दिला आहे. त्यामुळे टेस्ला लवकरच राज्यात येण्याची शक्यता आहे.

7 / 9

मस्क यांनी ट्विटसोबत एक टी-शर्टचा फोटोदेखील शेअर केला आहे. त्यावर 'इंडिया वाँट्स टेस्ला' असं लिहिलं आहे. यासोबतच टेस्ला यांनी आभारदेखील मानले आहे.

8 / 9

टेस्ला २०२१ मध्ये भारतात दाखल होईल, असे संकेत कंपनीचे सीईओ इलॉन मस्क यांनी आधीच दिले आहेत.

9 / 9

प्रदूषण कमी करण्यासाठी इलेक्ट्रॉनिक वाहनांचा वापर वाढवण्याचं धोरण मोदी सरकारकडून आखलं जात आहे. त्यामुळे टेस्लाला भारतात मोठी संधी आहे.