1 / 7जगात असे १६ देश आहेत, त्याठिकाणी पासपोर्टधारक भारतीयांना प्रवास करण्यासाठी व्हिसा लागत नाही. 2 / 7या देशांमध्ये नेपाळ, मालदीव, भूतान आणि मॉरिशस सारख्या देशांचा समावेश आहे. परराष्ट्र राज्यमंत्री व्ही. मुरलीधरन यांनी याबाबत सभागृहात माहिती दिली आहे. 3 / 7राज्यसभेत विचारलेल्या प्रश्नाला उत्तर देताना व्ही. मुरलीधरन म्हणाले की, '४३ देश व्हिसा-ऑन-अराइवल सुविधा प्रदान करतात आणि ३६ देश भारतीय सामान्य पासपोर्ट धारकांना ई-व्हिसा सुविधा उपलब्ध करतात.'4 / 7बारबाडोस, भूतान, डोमिनिका, ग्रॅनाडा, हैती, हाँगकाँग एसएआर, मालदीव, मॉरिशस, मोंटसेराट, नेपाळ, नीयू द्वीप, समोआ, सेनेगल, त्रिनिदाद आणि टोबॅगो, सेंट व्हिन्सेंट आणि ग्रेनेडाइन्स आणि सर्बिया, या देशांमध्ये जाण्यासाठी व्हिसाची गरज नाही.5 / 7केंद्र सरकारने दिलेल्या माहितीनुसार, इराण, इंडोनेशिया आणि म्यानमार हे देश व्हिसा-ऑन-अराइवल सुविधा प्रदान करतात. तर श्रीलंका, न्यूझीलंड आणि मलेशिया यांच्यासह २६ देशांसाठी ई-व्हिसा सुविधा आहे.6 / 7आंतरराष्ट्रीय प्रवास सुलभ व्हावा, या उद्देशाने भारतीय नागरिकांना व्हिसा मुक्त प्रवास, व्हिसा-ऑन-अराइवल आणि ई-व्हिसा सुविधा देणार्‍या देशांची संख्या वाढविण्यासाठी सरकार प्रयत्नशील असल्याचे व्ही. मुरलीधरन यांनी म्हटले आहे.7 / 7दरम्यान, जगभरात कोरोनाचा प्रादुर्भाव वाढत आहे. कोरोनामुळे निर्माण झालेल्या अभूतपूर्व परिस्थितीमुळे आंतरराष्ट्रीय विमान वाहतूक ३० सप्टेंबरपर्यंत बंद ठेवण्याचा निर्णय केंद्र सरकारने घेतला आहे.