ऐकावे ते नवलचं! ..म्हणून कोंबड्यांनाच जेलमध्ये बंद केलं.

1 / 5

कोंबड्यांची झुंज लावून जुगार खेळणाऱ्यांवर पोलिसांनी कारवाई केली. मात्र ही कारवाई जुगाऱ्यांसोबत कोंबड्यांनाही महागात पडली. पोलिसांनी 18 जुगाऱ्यांना अटक केली त्याचसोबत 6 कोंबड्यांनाही पोलीस स्टेशनमध्ये जेलची हवा खावी लागली. हरयाणातील नूंह जिल्ह्यात ही घटना घडली आहे.

2 / 5

पोलिसांना मिळालेल्या माहितीनुसार काही जण कोंबड्यांची झुंज लावून जुगार खेळत असल्याची माहिती मिळाली. तक्रार प्राप्त झाल्यानंतर पोलीस घटनास्थळी दाखल झाले अन् 6 कोंबड्यांसह जुगाऱ्यांना अटक केली. त्याचसोबत 35 हजार रुपये रोख आणि तीन वाहने जप्त करण्यात आली

3 / 5

पोलीस अधिकाऱ्यांनी सांगितले की, तुसैनी गावामध्ये अशाप्रकारे कोंबड्यांची झुंज सुरु असल्याचा फोन आला. यामध्ये फक्त गावातीलच नाही तर इतर राज्यांतूनही काही जण जुगार खेळण्यासाठी आल्याची माहिती दिली.

4 / 5

याच माहितीच्या आधारे पोलीस अधिकारी आणि कर्मचारी आरोपींना पकडण्यासाठी गावात पोहचले. तेव्हा तिथे सुरु असलेला खेळ बंद करुन जुगार खेळणाऱ्यांना अटक केली.

5 / 5

6 कोंबडे कोणाच्या मालकीचे आहेत हे न कळाल्यामुळे पोलिसांनी कोंबड्यांनाही जेलमध्ये बंद केलं. बैतूल जिल्ह्यातील आठनेर पोलीस ठाणे क्षेत्रात जानेवारी 2018 मध्ये कोंबड्यांच्या झुंजीचा खेळ सुरु होता त्यावेळी पोलिसांनी आरोपींसह 2 कोंबड्यांना अटक केली होती.