Aadhaar कार्डासोबत जोडलेला मोबाईल नंबर बंद झालाय?, काळजी करू नका; असा बदला नवा नंबर

1 / 13

सध्या देशात बहुतांश गोष्टींसाठी आधार कार्ड अनिवार्य करण्यात आलं आहे. आधार कार्डासोबत लिंक असलेला मोबाईल क्रमांकही तितकाच महत्त्वाचा असतो.

2 / 13

अशा परिस्थितीत तुम्ही आधार कार्डाशी संबंधित कोणतंही काम केलं तर त्याचा येणारा ओटीपी हा तुमच्या नोंदणी केलेल्या क्रमांकावरच येत असतो.

3 / 13

परंतु जर तुमचा आधार कार्डासोबत लिंक केलेला मोबाईल क्रमांक जर बंद झाला असेल तर तुम्हाला समस्यांचा सामना करावा लागू शकतो.

4 / 13

भारतीय विशिष्ट ओळख प्राधिकरणाने (यूआयडीएआय) आधारकार्डच्या माध्यमातून १२ अंकी विशिष्ट ओळख क्रमांक दिला आहे.

5 / 13

यात मोबाइल क्रमांक, पत्ता, नाव, वैवाहिक स्थिती अशी सर्व माहिती तुम्हाला अपडेट करता येऊ शकते.

6 / 13

माहिती अपडेट करण्यासाठी तुम्हाला काही कागदपत्र दाखवणं आवश्यक असतं. पण तुमचा मोबाइल क्रमांक अपडेट करायचा झाल्यास कोणत्याही कागदपत्रांची गरज भासणार नाही.

7 / 13

UIDAI च्या संकेतस्थळावर जाऊन तुमच्या नजिकच्या आधार केंद्राची माहिती मिळवा. आधार केंद्रामध्ये जाण्यासाठी तुमच्या सवडीनुसार अपॉइंटमेंट बुक करा.

8 / 13

अपॉइंटमेंटनुसार निश्चित वेळेवर आधार केंद्रात पोहचा. आधार केंद्रावर दिला जाणारा Aadhaar Update Form भरा.

9 / 13

मोबाइल क्रमांक अपडेट करण्यासाठी कोणतेही कागदपत्र देण्याची गरज नाही.

10 / 13

फक्त फॉर्म भरुन आधार केंद्रावरील अधिकाऱ्याकडे द्या आणि निश्चित करण्यात आलेले शुल्क भरा. आधार कार्डाबाबत कोणतेही बदल करण्यासाठी ५० रूपये शुल्क आकारलं जातं.

11 / 13

आधार केंद्रातील अधिकाऱ्याकडून तुम्हाला एक स्लिप दिली जाईल. त्यावर URN नंबर लिहिला असेल.

12 / 13

या नंबरवरुन तुम्ही केलेल्या अर्जाच्या सध्याच्या स्थितीबाबत संपूर्ण माहिती ऑनलाइन पद्धतीनं पाहता येईल.

13 / 13

तसंच १९४७ या क्रमांकावर कॉल करूनही तुम्ही अपडेट केल्याची स्थिती जाणून घेऊ शकता.