चीन म्हणे; आमच्या J-20 समोर राफेल टिकणार नाही, भारतानं दिलं 'असं' उत्तर

1 / 10

भारतीय हवाई दलात राफेल लढाऊ विमानांचा समावेश झाल्यानंतर चिनी माध्यमांमध्ये याची बरीच चर्चा आहे. भारताला राफेल मिळाल्यानंतर पाकिस्तानने जागतिक समुदायाला आवाहन केले आहे की, भारताला शस्त्रसाठा गोळा करण्यापासून रोखा. अन्यथा दक्षिण आशियात शस्त्रसाठा जमा करण्याची स्पर्धा सुरू होईल.

2 / 10

तर चिनी मीडिया राफेल विमानांची त्यांच्या लढाऊ विमानांशी तुलना करण्यात व्यस्त आहे. फ्रान्समध्ये बनविलेले हे लढाऊ जेट चीनच्या जे -20 लढाऊ विमानांपेक्षा कित्येक पटीने सरस आहे. पण चिनी माध्यमांनी राफेल निकृष्ट दर्जाची असल्याची ओरड सुरू आहे.

3 / 10

भारतानं अलीकडे पाच राफेल लढाऊ विमान ताब्यात घेतली आहेत आणि भारताचे माजी हवाई दलाचे प्रमुख बी. ए. धानोआ यांनी चीनच्या जे -20पेक्षा ही चांगली लढाऊ विमानं असल्याचं वर्णन केले आहे. त्यानंतर चिनी वृत्तपत्रांनी राफेल विमानांवर हल्लाबोल केला आहे.

4 / 10

वृत्तपत्राने चिनी तज्ज्ञांच्या हवाल्याने असे म्हटले आहे की, राफेल हे तिसऱ्या पिढीचे लढाऊ विमान आहे आणि चौथ्या पिढीतील लढाऊ विमान असलेल्या जे -20च्या पुढे ते टिकणार नाही. चिनी लष्करी तज्ज्ञाने ग्लोबल टाईम्सला सांगितले, भारतीय वायु दलात मोठ्या संख्येने उपस्थित असलेल्या विमानांपैकी राफेल हे सुखोई-30 एमकेआईपेक्षा चांगली विमानं आहेत.

5 / 10

परंतु राफेल फार प्रगत नाही आणि त्यांची गुणवत्ताही फारशी बदललेली नाही. चिनी लष्करी तज्ज्ञ म्हणाले, 'एएसए रडार, आधुनिक शस्त्रे आणि मर्यादित तंत्रज्ञानामुळे राफेलची तुलना इतर तिसऱ्या पिढीतील लढाऊ विमानांशी केली जाऊ शकते, जी उर्वरित देशांत वापरली जाते. पण चौथ्या पिढीच्या जे -20 प्रमाणेच या कॅलिबरच्या लढाऊ विमानांसह स्पर्धा करणे फार कठीण आहे.

6 / 10

चिनी तज्ज्ञ म्हणतात, हे सर्वश्रुत आहे की लढाऊ विमानांमधील पिढीतील फरक खूप मोठा आहे आणि कोणतीही रणनीती किंवा संख्या वाढवून त्याची भरपाई केली जाऊ शकत नाही. चीनची जे -20 ही लढाऊ विमानं राफेलपेक्षा बरीच चांगली आहेत.

7 / 10

भारताचे माजी हवाई दलाचे प्रमुख बी. एस. धानोआ यांनी 4.5 पिढीतील राफेल विमानांचा गेमचेंजर असा उल्लेख केला आहे. चीनचे लढाऊ जेट जे -20 हे राफेलच्या आजूबाजूलाही नाही.

8 / 10

चीनला या विधानाबद्दल मिरची झोंबली आणि त्यांनी राफेलमधल्या उणिवा काढण्यास सुरुवात केली. मात्र, धानोआ यांनी पुन्हा एकदा चीनला आव्हान दिले आहे की, माझ्या दोन प्रश्नांची उत्तरे द्यावीत.

9 / 10

माजी एअर चीफ मार्शल यांनी हिंदुस्तान टाइम्स या इंग्रजी वृत्तपत्राला दिलेल्या मुलाखतीत म्हटले आहे की, 'मला वाटत नाही की, जे -20 हे पाचव्या जनरेशनची लढाऊ विमानं आहेत. कॅनार्डमुळे लढाऊ विमानांच्या रडारची सिग्नेचर वाढते. राफेलमध्येही ती यंत्रणा असल्यानं ते कोणत्याही क्षेपणास्त्राच्या रडारला सापडणार नाही.

10 / 10

धानोआने दुसरा प्रश्न विचारला की जे -20 खरोखरच पाचव्या पिढीची विमानं आहेत का?, कारण त्याचे निर्माता चेंगदू एरोस्पेस म्हणतात, तर मग ते सुपरक्रूझ का करू शकत नाहीत?, धानोआ म्हणाले, राफेलकडे सुपरक्रिएबिलिटी आहे आणि त्याच्या रडार स्वाक्षरीची तुलना जगातील सर्वोत्तम लढाऊ विमानांशी केली जाऊ शकते.