CoronaVirus Live Updates : कोरोनाचा धसका! 'या' राज्याने घेतला मोठा निर्णय; 5 जिल्ह्यांमध्ये शाळा-कॉलेज, थिएटर्स राहणार बंद

1 / 16

भारतात कोरोनाचा कहर पाहायला मिळत आहे. गेल्या काही दिवसांपासून रुग्णांच्या संख्येत पुन्हा एकदा झपाट्याने वाढ होत आहे. वेगाने वाढणाऱ्या कोरोनामुळे लोकांच्या मनात भीतीचे वातावरण निर्माण झाले आहे.

2 / 16

गेल्या 24 तासांत 27 हजारांहून अधिक नवे रुग्ण आढळून आले आहेत. तर दुसरीकडे ओमायक्रॉनच्या रुग्णसंख्येत देखील दिवसागणिक वाढ होत आहे. रुग्णांच्या वाढत्या संख्येने प्रशासनाची चिंता आणखी वाढली आहे. संसर्ग रोखण्यासाठी अनेक प्रयत्न केले जात आहेत.

3 / 16

कोरोनाचा धडकी भरवणारा ग्राफ पुन्हा समोर आला आहे. देशातील एकूण ओमायक्रॉन रुग्णांची संख्या 1,525 वर पोहोचली आहे. दिल्ली आणि महाराष्ट्रात सर्वाधिक रुग्ण आढळून आले आहेत. वाढत्या रुग्णसंख्येमुळे कोरोनाच्या तिसऱ्या लाटेचा धोका निर्माण झाला आहे.

4 / 16

वेगाने पसरणाऱ्या ओमायक्रॉनचा देशातील अनेक ऱाज्यांमध्ये संसर्ग झाला आहे. काही राज्यांनी वाढता धोका लक्षात घेऊन कडक निर्बंध लागू केले आहेत. तर काही ठिकाणी नाईट कर्फ्यू आहे. दिल्लीमध्ये येलो अलर्ट देण्यात आला आहे.

5 / 16

कोरोना रुग्णांची वाढती संख्या लक्षात घेऊन हरियाणा सरकारने मोठा निर्णय घेतला आहे. हरियाणातील 5 राज्यांमध्ये शाळा, कॉलेज, थिएटर्स बंद ठेवण्याचा निर्णय घेण्यात आला आहे. हे निर्बंध 12 जानेवारीपर्यंत लागू असल्याचं हरियाणा सरकारकडून स्पष्ट करण्यात आलं आहे.

6 / 16

हरियाणा सरकारने राज्यातील गुरुग्राम, फरीदाबाद, अंबाला, पंचकुला आणि सोनीपत या पाच जिल्ह्यांमध्ये कोरोनाबाधितांचा वाढता आकडा बघता हा महत्त्वाचा निर्णय घेतला. सरकारने या पाचही जिल्ह्यांमध्ये शाळा, कॉलेज, थिएटर, चित्रपट थिएटर, जीम इत्यादी बंद करण्याचे आदेश दिले आहेत.

7 / 16

राज्यातील कार्यालयांमध्ये कर्मचाऱ्यांना फक्त 50 टक्के क्षमतेने उपस्थित राहण्याचे आदेश देण्यात आले आहेत. हे नवे नियम 12 जानेवारीपर्यंत लागू असणार आहेत. कोरोनामुळे प्रशासनाच्या चिंतेत भर पडली आहे.

8 / 16

हरियाणा सरकारने जारी केलेल्या नव्या गाईडलाईन्सनुसार, राज्यातील गुरुग्राम, फरीदाबाद, अंबाला, पंचकुला आणि सोनीपत या पाच जिल्ह्यांमध्ये दुकानं संध्याकाळी पाच वाजेपर्यंतच सुरू राहतील.

9 / 16

बार आणि रेस्टॉरंटमध्ये 50 टक्के सिटिंगची मर्यादा आखून देण्यात आली आहे. विशेष म्हणजे नव्या नियमांनुसार राज्यात सर्वसामान्यांसाठी स्विमिंग पूल बंद करण्यात आले आहेत. फक्त ट्रेनिंग करणाऱ्या खेळाडूंनाच त्यासाठी सूट देण्यात आली आहे. पार्कमध्येही सर्वसामान्यांना बंदी घालण्यात आली आहे.

10 / 16

हरियाणात आता कोरोना लसीकरण हे बंधनकारक करण्यात आलं आहे. लसीकरण न झालेल्या नागरिकांना भाजी मंडई, रेल्वे स्टेशन आणि बस स्थानक येथे प्रवेश मिळणार नाही. त्यामुळे सरकारकडून नागरिकांनी लस घेण्याचं आवाहन करण्यात आलं आहे. एका हिंदी वेबसाईटने याबाबतचे वृत्त दिले आहे.

11 / 16

रविवारी (2 जानेवारी) केंद्रीय आरोग्य मंत्रालयाने दिलेल्या माहितीनुसार, देशात गेल्या 24 तासांत कोरोनाचे 27,553 नवे रुग्ण आढळून आले आहेत. कोरोनामुळे मृत्यू झालेल्यांचा आकडा 4,81,770 वर पोहोचला आहे. देशातील कोरोनाग्रस्तांपैकी अनेकांवर रुग्णांवर उपचार सुरू आहेत.

12 / 16

लाखो रुग्ण उपचारानंतर बरे झाले असून त्यांना घरी सोडण्यात आले आहे. तर आतापर्यंत कोट्यवधी लोकांनी कोरोनाची लस घेतली आहे. येत्या काही दिवसांत कोरोनाच्या नव्या लाटेचा सामना करावा लागणार आहे.

13 / 16

देशातील ओमायक्रॉन रुग्णांच्या वाढत्या संख्येमुळे नवी लाट येऊ शकते अशी माहिती एका रिसर्चमधून समोर आली आहे. ही लाट काही दिवसांसाठी असेल पण ती मोठ्या प्रमाणात लोकांना संसर्गित करेल असं म्हटलं आहे.

14 / 16

भारतात कोरोनाग्रस्तांच्या संख्येत मोठी वाढ होत असून येत्या काही दिवसांत रुग्णवाढीचा दर वेगाने वाढणार आहे, असा इशारा केंब्रिज विद्यापीठातील तज्ज्ञांनी दिला आहे. कोरोनाची अल्प काळातील लाट येऊन अधिकाधिक नागरिकांना ओमायक्रॉनची लागण होण्याची भीतीही व्यक्त केली आहे.

15 / 16

केंब्रिज विद्यापीठाच्या जज बिजनेस स्कूलमधील प्रा. पॉल कट्टूमन यांनी 'कोविड-19 इंडिया ट्रॅकर विकसित केला असून एका ई-मेलमध्ये त्यांनी लिहिले आहे, येत्या काही दिवसांत ओमायक्रॉन बाधितांची संख्या वाढेल.

16 / 16

कदाचित या आठवडय़ातही वाढण्याची शक्यता आहे. दैनंदिन रुग्णसंख्येत किती वाढ होईल, हे आता सांगणे कठीण आहे' असं देखील म्हटलं आहे. कट्टूमन आणि त्यांचा संशोधक गट गेल्या काही दिवसांतील भारतातील कोरोनाबाधितांच्या संख्येवर लक्ष ठेवून आहेत.