CoronaVirus News : लवकर रेस्टॉरंट सुरू होणार, 'या' गोष्टी बदलणार; जाणून घ्या नेमकं कसं असणार?

1 / 15

कोरोनाने जगाला विळखा घातला आहे. कोरोनाचा सामना करण्यासाठी देश सज्ज झाला आहे. मात्र याच दरम्यान देशातील कोरोनाग्रस्तांची संख्या ही दोन लाखांवर गेली आहे.

2 / 15

कोरोनाचा संसर्ग रोखण्यासाठी आवश्यक असलेली सर्व काळजी घेतली जात आहे. सोशल डिस्टंसिंग, मास्क, क्वारंटाईनच्या माध्यमातून योग्य ती खबरदारी घेतली जात आहे.

3 / 15

देशात सध्या लॉकडाऊन सुरू आहे. लॉकडाऊनमध्ये कोरोनाचा संसर्ग रोखण्यासाठी आवश्यक सेवा वगळता इतर गोष्टी बंद ठेवण्यात आल्या आहेत. तसेच रेस्टॉरंट, हॉटेल बंद ठेवण्यात आले आहेत.

4 / 15

लॉकडाऊन आता शिथिल करण्यात आला आहे. 8 जूनपासून रेस्टॉरंट उघडण्यास परवानगी देण्यात आली आहे. मात्र जेव्हा तुम्ही आता जेवायला बाहेर जाल तेव्हा अनेक गोष्टी बदललेल्या दिसतील.

5 / 15

हॉटेलमध्ये गेल्यावर बऱ्याच गोष्टी वेगळ्या दिसतील. रेस्टॉरंटमध्ये बसण्यापासून ते जेवण ऑर्डर करण्यापर्यंत सर्व नियम वेगळे असणार आहेत.

6 / 15

बसण्याच्या व्यवस्थेपासून ते किचनपर्यंत अनेक गोष्टी बदलणार आहेत. सोशल डिस्टन्सिंगचं पालन केलं जाणार असून अनेक रेस्टॉरंटने त्यासाठी तयारी देखील सुरू केली आहे.

7 / 15

ROSEATE HOTELS N RESORTS चे सीईओ कुश कपूर यांनी दिलेल्या माहितीनुसार, मोबाईलवर हॉटेलच्या स्वयंपाकघरातील परिस्थिती ही ग्राहक पाहू शकतात.

8 / 15

भारतात प्रथमच आम्ही हा प्रयोग करत आहोत. जेवण कसे तयार केले जात आहे आणि स्वच्छतेची काळजी कशी घेतली जात आहे हे ग्राहक स्वत: पाहू शकतात अशी माहिती कपूर यांनी दिली.

9 / 15

ऑनलाईन ऑर्डर ही आधीपासूनच अनेक ठिकाणी घेतली जाते. मात्र आता प्रामुख्याने ऑनलाईन ऑर्डरवर हा अधिक भर असणार आहे. जेणेकरून लोकांना ऑर्डरसाठी रेस्टॉरंटमध्ये येण्याची गरज नाही.

10 / 15

रेस्टॉरंट्समध्येही डिजिटल बुकींग सुरू करण्यात येणार आहे. ऑर्डरपासून पेमेंटपर्यंत सर्व काही डिजीटल असणार आहे.

11 / 15

रेस्टॉरंट्समधील स्वच्छतेची विशेष काळजी घेण्यात येणार आहे. सर्व प्रमुख रेस्टॉरंट्समध्ये स्वच्छतेसाठी खास प्रोटोकॉल तयार करण्यात आले आहेत.

12 / 15

शेफला मुख्य स्वच्छता अधिकारी देखील बनविण्यात आले आहे. प्रत्येक कुक आणि कर्मचार्‍यास वेळोवेळी हात धुणे आणि मास्कचा वापर करणे अनिवार्य आहे.

13 / 15

रेस्टॉरंट्समध्ये एक टेबल राखून आसन व्यवस्था असेल. एकावेळी एकाच टेबलवर दोनपेक्षा जास्त लोक बसू शकणार नाहीत.

14 / 15

मॅकडोनाल्डची फास्टफूड चेन पुन्हा एकदा ग्राहकांसाठी दरवाजे उघडण्यासाठी तयार आहे. मॅकडोनाल्डमध्ये आता फक्त कर्मचारीच नव्हे तर ग्राहकांचेही थर्मल चेकअप केले जाणार आहे.

15 / 15

सेल्फ-सर्व्हिस येथे असल्याने सेल्फ-ऑर्डरिंग कियॉस्कमध्ये फ्रंट काउंटर, वॉशरूम स्वच्छ ठेवण्यात येणार आहे. खुर्चीच्या ठिकाणी सोशल डिस्टन्सिंग मार्क केले जाईल. एका हिंदी वेबसाईटने याबाबतचे वृत्त दिले आहे.