काय सांगता? गटाराच्या पाण्यात पोहोचला कोरोना; भारतीय संशोधकांनी शोधून काढला

1 / 11

कोरोना रुग्णांची संख्या सध्या झपाट्यानं वाढत आहे. देशातील कोरोना बाधितांचा आकडा २ लाख ६७ हजारांवर पोहोचला आहे.

2 / 11

जगातील सर्वाधिक कोरोना रुग्णांची आकडेवारी पाहिल्यास त्यात भारत सध्या सहाव्या क्रमांकावर आहे. देशातील कोरोना रुग्णांच्या वाढीचा वेग पाहता येत्या काही दिवसांत भारत यादीत आणखी वर सरकण्याची दाट शक्यता आहे.

3 / 11

एका बाजूला कोरोना रुग्णांची संख्या झपाट्यानं वाढत असताना दुसरीकडे भारतीय तंत्रज्ञान संस्थेनं (गांधीनगर) सांडपाण्यातही कोरोनाचे विषाणू शोधले आहेत.

4 / 11

अहमदाबाद शहराच्या बाहेर सोडण्यात आलेल्या गटाराच्या पाण्यात संशोधकांना कोरोना विषाणूची जनुकं आढळून आली आहेत. ही जनुकं संक्रमित नव्हती.

5 / 11

कोरोनाची लागण रोखण्यासाठी संशोधकांनी सांडपाण्याचे नमुने तपासले. त्यावेळी अहमदाबाद शहराच्या बाहेर सोडण्यात आलेल्या गटाराच्या पाण्यात कोरोनाची जनुकं आढळून आली.

6 / 11

भारताच्या आधी नेदरलँड, ऑस्ट्रेलिया, फ्रान्स आणि अमेरिकेतील सांडपाण्यात सार्स-कोव-२ विषाणूचे कण आढळून आले आहेत.

7 / 11

सांडपाण्यात कोरोनाचा विषाणू आढळतो का, यावर जागतिक पातळीवर संशोधन सुरू आहे. जगातील ५१ प्रतिष्ठीत विद्यापीठ यावर काम करत आहेत. त्यामध्ये आयआयटी गांधीनगरचा समावेश आहे.

8 / 11

भविष्यात कोविड-१९ शी संबंधित धोक्याबद्दल जगाला सतर्क करण्याच्या दृष्टीनं विद्यापीठांचं संशोधन सुरू आहे.

9 / 11

विषाणूची उपस्थिती शोधण्यासाठी सांडपाणी महत्त्वाचा घटक आहे. सांडपाण्याच्या माध्यमातून कोरोनाचा फैलाव होत नसल्याचं आयआयटी गांधीनगरचे प्राध्यापक मनीष कुमार यांनी सांगितलं.

10 / 11

पाण्याचं तापमान अतिशय महत्त्वाचं असतं. त्यामुळे विषाणूच्या आयुर्मानावर परिणाम होतो, असं कुमार यांनी सांगितलं.

11 / 11

आयआयटी गांधीनगरनं ८ मे ते २७ मे दरम्यान सांडपाण्याचे नमुने गोळा केले. यामध्ये गुजरात प्रदूषण नियंत्रण मंडळानं महत्त्वाची भूमिका बजावली.