CoronaVirus: डॉक्टरांच्या लढ्याला मोठं यश! 'या' औषधानं व्हेंटिलेटरवरचे रुग्णही झाले ठणठणीत

1 / 12

डॉक्टरांना कोरोना विषाणूवरच्या उपचारांसाठी प्रभावी औषधाची माहिती मिळाली आहे.

2 / 12

बीबीसीच्या वृत्तानुसार, हे एक जुने आणि स्वस्त औषध आहे. या औषधाच्या मदतीनं कोरोना विषाणूमुळे गंभीर आजारी असलेल्या लोकांचे जीव वाचविण्यात यश आले आहे.

3 / 12

Dexamethasone असे या औषधाचे नाव आहे. यूके तज्ज्ञ म्हणतात की, हे एक मोठे यश आहे. डेक्सामेथासोन या औषधाचे डोस कोरोनाशी लढायला मदत करतात.

4 / 12

चाचणीदरम्यान असे आढळले की, व्हेंटिलेटरवर असणाऱ्या रुग्णांना हे औषध दिल्यास मृत्यूचा धोका एक तृतीयांश कमी झाला आहे.

5 / 12

ऑक्सिजनवर असणाऱ्या रुग्णांना या औषधाचा अधिक फायदा होतो. ज्या रुग्णांना ऑक्सिजन पुरवठा आवश्यक आहे, अशा रुग्णांमध्ये मृत्यूचा धोका जास्त असतो.

6 / 12

पण या औषधाचा वापर करून हा धोका कमी करता येऊ शकतो. जगातील सर्वात मोठ्या चाचण्यांमध्येही डेक्सामेथासोन औषधाचा समावेश करण्यात आलेला आहे.

7 / 12

संशोधकांचा असा अंदाज आहे की, जर आधी हे औषध ब्रिटनमध्ये उपलब्ध असते तर कोरोनापासून 5000 लोक वाचू शकले असते, कारण हे औषध देखील स्वस्त आहे.

8 / 12

कोरोना विषाणूच्या 20 रुग्णांना डेक्सामेथासोन औषध देण्यात आले. यापैकी 19 जणांना रुग्णालयात येण्याची गरजच लागली नाही. आणि ते घरीच बरे झाले. त्याचबरोबर रुग्णालयात दाखल झालेल्या अतिजोखमीच्या रुग्णांनाही याचा फायदा झाला.

9 / 12

इतर अनेक रोगांसाठी हे औषध आधीच जळजळ कमी करण्यासाठी वापरले जाते. चाचणीदरम्यान ऑक्सफोर्ड विद्यापीठाच्या पथकाने रुग्णालयात दाखल केलेल्या सुमारे 2000 रुग्णांना हे औषध दिले.

10 / 12

या रुग्णांची तुलना इतर 4000 रुग्णांशी केली गेली, ज्यांना हे औषध देण्यात आले नव्हते. व्हेंटिलेटरवर असलेल्या रुग्णांमध्ये देखील या औषधाचा चांगला परिणाम जाणवला.

11 / 12

त्यांच्या मृत्यूचा धोका 40 टक्क्यांवरून 28 टक्क्यांपर्यंत घसरला. या औषधामुळे ऑक्सिजनवर असणार्‍या रुग्णांमध्ये मृत्यूची शक्यता 25 टक्क्यांवरून घसरून 20 टक्क्यांपर्यंत आली आहे.

12 / 12

मुख्य तपासनीस प्रा. पीटर हॉर्बी म्हणाले की, आतापर्यंत हे एकमेव औषध आहे जे मृत्यूचे प्रमाण कमी करण्यात यशस्वी ठरले आहे. हे एक मोठे यश असल्याचंही ते म्हणाले आहेत.