CoronaVirus लॉकडाऊनमध्ये रक्तदान करायचे आहे?; मग जाणून घ्या, कसा बनवतात ई-पास

1 / 12

एप्रिल व मे महिन्यांत शाळा, महाविद्यालयांना सुट्या असल्यामुळे नियमित रक्तदाते कमी होतात साहजिकच रक्तसाठ्याचा तुटवडा भासतो.

2 / 12

रक्तदान केल्यामुळे अथवा रक्त संक्रमणामुळे कोरोना विषाणूची लागण होत नाही, असे तज्ज्ञांचे मत आहे.

3 / 12

सर्व सामाजिक, धार्मिक संस्थांनी रक्तदान शिबिरे आयोजित करावीत व गरजू रुग्णांसाठी रक्त संकलन करून त्यांचे प्राण वाचविण्याच्या उदात्त हेतूने सहकार्य करावे, असंही आवाहन केलं जातं.

4 / 12

लॉकडाऊनमुळे देशभरातील रक्तपेढ्यांमध्ये रक्ताचा तुटवडा निर्माण झाला आहे. त्यामुळे अनेक रक्तदाते जरी समोर आले असले तरी अटी अन् शर्थींमुळे त्यांना रक्तदान करता येत नाही.

5 / 12

लॉकडाऊनमुळे रक्त देण्याची इच्छा असणारे लोकांनाही रक्त दान करता येत नाही. विशेष म्हणजे बर्‍याच रुग्णालयात असे अनेक रुग्ण आहेत, ज्यांना सतत रक्ताची गरज असते.

6 / 12

जर कोणाला रक्तदान करण्याची इच्छा असेल तर त्यांच्या सोयीसाठी केंद्र सरकार पुढे सरसावले आहे. केंद्र सरकारनं रक्तदात्यांना कशा पद्धतीनं ई-पास बनवता येईल, याची माहितीच उपलब्ध करून दिली आहे.

7 / 12

प्रथम आपल्या संगणकावर किंवा स्मार्टफोनवर eraktkoshवर सर्च करा आणि https://www.eraktkosh.in/ वेबसाइट उघडा.

8 / 12

वेबसाइट उघडल्यानंतर खालच्या बाजूला उजवीकडे डोनेट नाऊ असं लिहिलेले दिसेल. त्याचप्रमाणे लाल रंगाच्या बॉक्समध्ये ई-पास लिहिलेलं असेल. त्यावर क्लिक करा किंवा टॅप करा.

9 / 12

एक नवीन पेज उघडेल. या पेजमध्ये रक्तदान करणार्‍यचे नाव / फोन नंबर इत्यादी महत्त्वाची माहिती भरावी लागेल.यानंतर पेजच्या तळाशी असलेल्या सेव्हवर क्लिक करा. आपण सेव्ह क्लिक करताच ई-पास तयार होईल.

10 / 12

जर आपण लखनऊमध्ये राहत असाल तर लॉकडाऊनमध्ये रुग्णालयात जाऊन आपण रक्तदान करू शकता. यासाठी घरबसल्या आपल्या मोबाइलवर ई-पास मिळेल. उत्तर प्रदेश सरकारने रक्त देण्यास इच्छुक असणा-यांसाठी एक हेल्पलाइन नंबर जारी केला होता.

11 / 12

आपल्याला या हेल्पलाइन नंबरवर कॉल किंवा संदेश पाठवावा लागेल. यानंतर रक्तदानासाठी निश्चित केलेल्या तारखेचा पास व्हॉट्सअ‍ॅपवर पाठविला जाईल.

12 / 12

अधिक माहितीसाठी पीजीआय: 0522-2494505, 2494508, 2494500, केजीएमयू : 9415761773 (व्हॉट्सऍप) या नंबरवर संपर्क साधू शकता.