महत्त्वाच्या घडामोडी (२५ नोव्हेंबर)

1 / 10

जम्मू व काश्मिरमधल्या विधानसभेच्या १५ जागांसाठी पहिल्या टप्प्यातील मतदान मंगळवारी झाले. दुपारी २ वाजेपर्यंत ४६.५ टक्के मतदान झाले असून मतदारांनी फुटीरतावाद्यांच्या बहिष्काराच्या आवाहनाला न जुमानता सकाळपासून रांगा लावून आपला हक्क बजावला. २००८मध्ये ६० टक्के मतदान झाले होते यावेळी ६२ ते ६५ टक्के असे विक्रमी मतदान होईल असा अंदाज आहे.

2 / 10

वाणिज्य व उद्योग खात्याच्या मंत्री निर्मला सीतारामन यांनी अमेरिकेचे ट्रेड रिप्रेझेन्टेटिव्ह व बराक ओबामांचे मुख्य सल्लागार मायकेल फ्रोमन यांच्याशी दिल्लीमध्ये चर्चा केली.

3 / 10

प्रसिद्ध कथ्थक नर्तिका सितारादेवी यांचे मुंबईमध्ये प्रदीर्घ आजाराने ९४व्या वर्षी निधन झाले. त्यांचा संग्रहित फोटो.

4 / 10

कच्च्या पोलादाच्या उत्पादनामध्ये जगातल्या देशांच्या तुलनेत चीन किती पुढे आहे याची झलक दाखवणारे पीटीआयचे ग्राफिक.

5 / 10

गो-या पोलीसाने चोरी करताना सापडलेल्या कृष्णवर्णी तरुणाला गोळ्या घालून मारल्याप्रकरणी ग्रँड ज्युरींनी डेरेन विल्सन या पोलीस अधिका-याला दोषी धरले नाही. यामुळे फर्ग्युसन व न्यूयॉर्कमध्ये संतापलेल्या कृष्णवंशीयांनी जाळपोळ करून आपला रोष व्यक्त केला. ओबामांसह अनेक ज्येष्ठांनी तीन कृष्णवंशीयांचा समावेश असलेल्या ग्रँड ज्युरींच्या निर्णयाचा मान राखण्याचे आवाहन केले आहे.

6 / 10

झारखंडमधील विधानसभेच्या निवडणुकीच्या पहिल्या टप्प्यात मतदानासाठी रांगा लावलेल्या महिला.

7 / 10

मंगळवारी १० जनपथ येथे काँग्रेसच्या कार्यकारिणीची बेठक झाली. यावेळी उपस्थित काँग्रेस अध्यक्ष सोनिया गांधी व माजी पंतप्रधान मनमोहन सिंग

8 / 10

मंगळवारी यशवंतराव चव्हाणांच्या ३०व्या स्मृतीदिनी कराड येथे शरद पवारांनी त्यांच्या राजकीय गुरुंना आदरांजली वाहिली.

9 / 10

मंगळवारी संसदेच्या हिवाळी अधिवेशनामध्ये काँग्रेसच्या खासदारांनी विदेशातील काळ्या पैशाच्या मुद्यावरून प्रचंड गोंधळ घातला. यादरम्यानचे हे दृष्य.

10 / 10

ठाणे जिल्ह्यातील बदलापूर रेल्वे स्थानकाजवळ ब-याच दिवसांपासून साईडिंगला थांबलेल्या लोकल ट्रेनमध्ये मंगळवारी दुपारी भीषण आग लागली. या घटनेत कोणतीही जीवितहानी झालेली नसून आगीचे कारणही अद्याप समजू शकलेले नाही.