शत्रुत्वापेक्षा माणुसकी मोठी; भारतीय जवान धावले चिनी नागरिकांसाठी, १७५०० फुटांवरून सुखरुप सुटका
By नामदेव भोर | Updated: September 5, 2020 15:11 IST
1 / 9गेल्या काही महिन्यांपासून पूर्व लडाखमध्ये भारत आणि चीनमध्ये मोठा तणाव निर्माण झाला आहे. या कालावधीत चीनकडून घुसखोरीचे प्रयत्न सुरू आहेत. चिनी सैन्याचे प्रयत्न भारतीय जवान हाणून पाडत आहेत.2 / 9पूर्व लडाखमधील तणाव निवळण्याची चिन्हं दिसत नसल्यानं भारतानं परिसरातील फौजफाटा वाढवला आहे. पँगाँग परिसरातल्या अतिशय मोक्याच्या जागांवर जवानांनी वर्चस्व प्राप्त केलं आहे.3 / 9एका बाजूला चिनी घुसखोरी रोखण्यासाठी प्राणांची बाजी लावण्यासही मागेपुढे न पाहणारे जवान दुसऱ्या बाजूला चिनी नागरिकांची संकटातून सुटका करण्यासाठीही धावून जात आहेत.4 / 9शत्रुत्वापेक्षा माणुसकी मोठी असते, याचा प्रत्यय चीनच्या तीन नागरिकांना आला आहे. उत्तर सिक्कीममध्ये तब्बल १७५०० फुटांवरून अडकलेल्या चिनी नागरिकांसाठी भारतीय जवान अक्षरश: देवदूत ठरले.5 / 9३ सप्टेंबरला घडलेल्या घटनेचे फोटो नुकतेच प्रसिद्ध झाले आहेत. भारतीय जवानांनी चिनी नागरिकांना ऑक्सिजन, अन्न आणि गरम कपडे पुरवले.6 / 9भारतीय जवानांनी चिनी नागरिकांची सुखरुप सुटका केली. रस्ता चुकलेल्या चिनी नागरिकांना लष्कराच्या जवानांनी योग्य रस्ता दाखवून त्यांना मोलाचं सहकार्य केलं.7 / 9एका बाजूला चीन अरुणाचल प्रदेशमधील काही जणांचं अपहरण करत असताना भारतीय जवानांनी चिनी नागरिकांना मदत केल्याचा प्रकार समोर आला. त्यामुळे सर्वत्र भारतीय जवानांचं कौतुक केलं जात आहे. 8 / 9सीमेवरील तणावाचा सामना करताना माणुसकीला प्राधान्य देणाऱ्या भारतीय जवानांच्या कार्याचं सोशल मीडियावर अनेकांनी कौतुक केलं आहे.9 / 9सीमेवर तणाव वाढला असताना, चीनकडून वारंवार घुसखोरीचे प्रयत्न सुरू असताना आणि अशा परिस्थितीत त्याच देशाच्या नागरिकांना भारतीय सैन्यानं मदत केली. भारतीय जवानांची ही कृती नक्कीच अभिमानास्पद आहे.