Bogibeel Bridge : देशातला सर्वात लांब पूल; रेल- रोड ब्रिज
By ऑनलाइन लोकमत | Published: December 25, 2018 12:47 PM
1 / 7ब्रह्मपुत्रा नदीच्या उत्तर व दक्षिण किनाऱ्यांना जोडणाऱ्या देशातील सर्वात लांब अशा रेल्वे-रस्ते पुलाचे (रेल- रोड ब्रिज) पंतप्रधान नरेंद्र मोदी यांच्या हस्ते आज (25 डिसेंबर) रोजी लोकार्पण करण्यात आले आहे.2 / 7आशियातील हा दुसरा सर्वात मोठा पूल तीनपदरी असणार आहे. तसेच येथे दुहेरी रेल्वे मार्गही असणार आहे. 4.94 किलोमीटर लांबीचा हा बोगिबील पूल आसाम व अरुणाचल प्रदेशच्या पूर्व भागात आहे. 3 / 7बोगिबील पुलावरुन 100 किलोमीटरच्या वेगाने रेल्वे धावू शकणार आहेत. हा पुल बनवण्यासाठी 5,800 कोटी रुपयांचा खर्च आला आहे. 4 / 7ब्रह्मपुत्रा नदीवर बनवलेला हा पूल 42 खांबावर उभा आहे. बोगिबील पूल भुकंपग्रस्त भागात तयार करण्यात आला आहे. या पुलाच्या निर्माणात भूकंपविरोधी तंत्र वापरण्यात आले आहे.5 / 7चीनच्या सीमेवर असणार्‍या भारतीय लष्कराला रसद पोहचवण्याच्या दृष्टीने हा पूल अतिशय महत्त्वाचा आहे. चीनला लागून असलेल्या सीमेवर तैनात असलेल्या सशस्त्र दलांना तेजपूरहून युद्धसामग्री पोहोचविण्यासाठी या पुलाचे महत्त्वाचे योगदान असणार आहे.6 / 7दुरबगढहून अरुणाचलला गुवाहाटी मार्गावरून जायचे असल्यास तब्बल 500 किलोमीटरचे अंतर लागत होते. या पुलामुळे आता 100 किलोमीटरचे अंतर कमी झाले आहे.7 / 7माजी पंतप्रधान एच.डी. देवेगौडा यांनी 1997 साली या बोगिबील पुलाचे भूमिपूजन केले होते, मात्र माजी पंतप्रधान अटलबिहारी वाजपेयी यांनी बांधकामाचे उद्घाटन केल्यानंतर 2002 साली या पुलाचे काम सुरू झाले.