"मी उत्सुकतेपोटी पाहिलेला बॉलिवूडचा तो शेवटचा सिनेमा, पण फ्लॉप ठरला"

1 / 10

सिनेमा हा भारतीयांच्या मनोरंजनाचा मोठा प्लॅटफॉर्म आहे. सर्वसामान्य माणसांपासून ते उद्योगपती, अधिकारी आणि राजकारणीही बॉलिवूडच्या सिनेमांतून आपलं मनोरंजन करतात.

2 / 10

त्यामुळे, काही चित्रपट आवर्जून पाहिले जातात. अक्षय कुमारचा ओएमजी २ आणि सनी देओलचा गदर २ चित्रपट आता प्रदर्शनाच्या मार्गावर आहे.

3 / 10

त्याच अनुषंगाने आयआयए इंडियाच्यावतीने देवेंद्र फडणवीस यांची मुलाखत घेण्यात आली होती. त्यामध्ये, फडणवीसांना अलिकडे पाहिलेला आणि एन्जॉय केलेला सिनेमा कोणता? असा प्रश्न विचारण्यात आला होता.

4 / 10

त्यावर, फडणवीसांनी चित्रपटाचे नाव न घेता तो चित्रपट मी पाहिला पण एन्जॉय नाही केला. तर, तो चित्रपट प्लॉप ठरल्याचं म्हटलं.

5 / 10

देवेंद्र फडणवीसांनी चित्रपटामुळे माझी निराशा झाल्याचं म्हटलं. तसेच, मी चित्रपटाचं नाव घेऊ इच्छित नाही, असेही त्यांनी म्हटलं.

6 / 10

मात्र, एँकरने आदि म्हणत त्या चित्रपटावर भाष्य केलं. त्यानंतर, आदि का अंत हो गया... असे उत्तर फडणवीसांनी दिले. त्यावरुन, हा चित्रपट आदिपुरुष असल्याचं समजून येतं.

7 / 10

आदिपुरुष या बिग बजेट चित्रपटाची देशभरात चांगलीच चर्चा रंगली होती. मात्र, चित्रपटातील डॉयलॉगमुळे हा चित्रपट वादाच्या भोवऱ्यात अडकला. त्यानंतर हिंदुतत्त्वादी संघटनांकडून चित्रपटाचे शोही बंद पाडण्यात आले.

8 / 10

विशेष म्हणजे न्यायालयाने या चित्रपटातील संवादावरुन दिग्दर्शक आणि संवादलेखकाला सुनावले होते. त्यानंतर, चित्रपटातील संवाद बदलण्यात येणार असल्याचे मनोज मुंतशीर यांनी सांगितले होते.

9 / 10

देवेंद्र फडणवीसांनी या मुलाखतीत विविध प्रश्नांची उत्तरे दिली. मुंबईतील कोस्टल रोड ते उद्योग जगतातील फॉक्सकॉनपर्यंतच्या मुद्द्यांवर भाष्य केलं.

10 / 10

तसेच, आघाडी व युतीवरही त्यांनी भाष्य केलं. या मुलाखतीत देवेंद्र फडणवीसांना आत्तापर्यंत आवडलेली किंवा लक्षात राहिलेली एखादी जाहिरात कोणती असाही प्रश्न विचारण्यात आला. त्यावर, त्यांनी अमुल ब्रँडच्या जाहिरतीचे उत्तर दिले.