Lockdown 4.0 : प्रवासासाठी ई-पास काढायचाय?; धावाधाव नको, केंद्राची 'ही' वेबसाईट करेल मदत

1 / 16

भारतातील कोरोनाग्रस्तांची संख्या ही दिवसागणिक वाढत आहे. भारतातील कोविड-19 च्या रुग्णांची संख्या एक लाखांच्या वर गेली आहे. तर अनेकांना आपला जीव गमवावा लागला आहे.

2 / 16

कोरोनाचा वाढता संसर्ग रोखण्यासाठी देशात लॉकडाऊनी घोषणा करण्यात आली आहे. सध्या देशभरात लॉकडाऊन 4.0 सुरू झालं आहे.

3 / 16

केंद्र सरकारने लॉकडाऊनमध्ये सूट देत यामध्ये निर्णय घेण्याचा अधिकार राज्यांना दिला आहे. देशातील लॉकडाऊन हा 31 मे पर्यंत वाढविण्यात आला आहे.

4 / 16

लॉकडाऊनमध्ये अनेक जण विविध ठिकाणी अडकून पडले आहेत. ई-पास असल्यास अडकलेले लोक प्रवास करून आपलं घर गाठू शकतात.

5 / 16

अनेकांना मात्र आपल्या मूळ गावी जाण्यासाठी ई-पास हा कुठे आणि कसा मिळतो हे माहीत नाही. मात्र आता काळजी करून नका कारण सरकारने यासाठी एक नवीन वेबसाईट तयार केली आहे

6 / 16

देशभरात प्रवास करता यावा यासाठी असलेला ई-पास काढण्यासाठी आता सरकारने एक नवीन वेबसाईट तयार केली आहे. याच्या मदतीने कोविड ई-परमिटसाठी देशभरातील वेगवेगळ्या राज्यात जाण्यासाठी अर्ज करता येणार आहे.

7 / 16

नॅशनल इन्फर्मेटिक्स सेंटर (NIC) ने http://serviceonline.gov.in/epass/ ही नवी वेबसाईट तयार केली आहे. या वेबसाईटवर 17 राज्यांच्या ई-परमिटसाठी अर्ज करता येणार आहे.

8 / 16

लॉकडाऊन परमिट पाससाठी प्रवासाच्या विशिष्ट श्रेणींमध्येच ऑनलाईन अर्ज करता येतो. विद्यार्थी, आवश्यक सेवा प्रदाता, पर्यटक, यात्रेकरू, आपत्कालीन / वैद्यकीय प्रवास आणि विवाह यांचा या श्रेणींमध्ये समावेश आहे.

9 / 16

एखादी व्यक्ती किंवा गट या सेवेचा वापर करून मूव्हमेंट पाससाठी अर्ज करू शकतात. मात्र यासाठी त्यांना आवश्यक असलेली सर्व माहिती द्यावी लागणार आहे.

10 / 16

ई-पाससाठी अर्ज करण्यापूर्वी त्यांना आवश्यक असलेल्या सर्व कागदपत्रांच्या स्कॅन प्रतीदेखील सादर कराव्या लागतील. याशिवाय ओटीपी पडताळणीसाठी एक मोबाईल नंबर देखील आवश्यक आहे.

11 / 16

ई-पासमध्ये अर्जदाराचे नाव, पत्ता, वैधता आणि क्यूआर कोड असतो. पास जारी झाल्यानंतर अर्जदाराकडे प्रवास करताना त्याची सॉफ्ट किंवा हार्ड कॉपी असणे आवश्यक आहे.

12 / 16

वेबसाईटवरून अर्ज केल्यानंतर अर्जदारास एक रेफ्रेन्स नंबर मिळेल. अर्जाचं स्टेटस ही यामुळे चेक करता येईल.

13 / 16

ई-पासच्या मदतीने प्रवास करत असताना जेव्हा सुरक्षा कर्मचारी पासबद्दल विचारणा करतील तेव्हा त्यांना तो दाखवणं गरजेचं आहे. एका हिंदी वेबसाईटने याबाबतचे वृत्त दिले आहे.

14 / 16

ग्रीन, ऑरेंज, रेड झोनमध्ये ऑटो-टॅक्सीसाठी प्रत्येकी 1 अधिक 1 प्रवासी वाहतूक, कारसाठी 1 अधिक 2 आणि दुचाकीसाठी 1 अधिक 1 (ग्रीन,ऑरेंज) तर रेड झोनमध्ये 1 अशाप्रकारे वाहतूक करण्यात येईल. कंटेनमेंट झोनमध्ये वाहतुकीस परवानगी नाही.

15 / 16

सरकारने शिफारशींमध्ये ऑटो, ई-रिक्षा, सायकल रिक्षा यामध्ये फक्त 1 प्रवासी वाहतुकीची परवानगी दिली आहे तर टॅक्सी, कॅबमध्ये 2 प्रवासी वाहतूक करु शकतात. तसेच शेअरींगचा पर्याय उपलब्ध नाही.

16 / 16

केंद्र सरकारच्या मार्गदर्शक सूचनांनुसार राज्य सरकार निर्णय घेतील. राज्यात कोणत्या प्रकारे वाहतूक सेवा सुरु करण्यात येईल त्याचा निर्णय राज्यांवर सोपवला आहे.