1 / 11कोरोना विषाणूचा प्रादुर्भाव रोखण्यासाठी लागू करण्यात आलेल्या देशव्यापी लॉकडाऊनचा चौथा टप्पा येत्या ३१ मे रोजी संपणार आहे. मात्र देशातील सध्याची परिस्थिती पाहता लॉकडाऊन सरसकट शिथील होण्याची शक्यता धूसर आहे. 2 / 11त्या पार्श्वभूमीवर लॉकडाऊनच्या पाचव्या टप्प्यासाठीची तयारी सुरू झाली आहे. लॉकडाऊन 5.0 वर केंद्र सरकारकडून अद्याप कोणतेही विधान आलेले नाही. पंतप्रधान नरेंद्र मोदी लॉकडाऊन पाचची घोषणाही करू शकतात. 3 / 11लॉकडाऊनच्या पाचव्या टप्प्यात कोरोनाचा सर्वाधिक संसर्ग असलेल्या देशभरातील ११ शहरांमध्ये विशेष लक्ष देण्यात येण्याची शक्यता आहे. 4 / 11या शहरांमध्ये दिल्ली, मुंबई, बंगळुरू, पुणे, ठाणे, इंदूर, चेन्नई अगमदाबाद, जयपूर, सूरत आणि कोलकाता या शहरांचा समावेश आहे. 5 / 11सद्यस्थितीत शाळा उघडणे कठीण आहे. शाळा व महाविद्यालये 15 जूनपर्यंत बंद ठेवण्यात येणार आहे. कालांतरानं राज्य सरकारे टप्प्याटप्प्यानं शाळा सुरू करण्याचा निर्णय घेतील. 6 / 11मोदी सरकारनं यापूर्वीच रेल्वे आणि देशांतर्गत उड्डाणे अंशतः सुरू केली आहेत. 1 जूनपासून मेट्रो सेवा पुन्हा सुरू केली जाऊ शकते. पण आंतरराष्ट्रीय उड्डाण बंदच राहण्याची शक्यता आहे. 7 / 11लॉकडाऊनच्या पाचव्या टप्प्यात केंद्र सरकारकडून धार्मिक स्थळांना उघडण्याची परवानगी मिळण्याची शक्यता आहे. मात्र त्यासाठी काही नियमांचे पालन करावे लागू शकते. 8 / 11धार्मिक स्थळी जत्रा किंवा महोत्सव यांच्या आयोजनाला परवानगी असणार नाही. त्याबरोबरच मोठ्या प्रमाणावर गर्दी करण्यासही परवानगी नसेल. तसेच मास्क वापरणे आणि सोशल डिस्टंसिंगचे पालन करणे अनिवार्य असेल.9 / 11लॉकडाऊन ५.० दरम्यान सर्व विभागातील सलून आणि जिम उघडण्यासाठी परवानगी असेल मात्र कंटेंनमेंट झोनमध्ये अशा प्रकारची कुठलीही परवानगी दिली जाणार नाही. 10 / 11तसेच मॉल मल्टिप्लेक्स पण बंद ठेवण्यात येण्याची शक्यता आहे. 11 / 11. विवाह आणि अंत्यसंस्कारामध्ये काही जणांना सहभागी होण्याची परवानगी देण्यात येऊ शकते.