Narendra Modi: नवीन संसद भवन उभारणीच्या कामाला वेग, अशोक स्तंभाचे अनावरण

1 / 8

केंद्रातील भाजप सरकारच्या महत्त्वाकांक्षी सेंट्रल व्हिस्टा प्रकल्पाचे प्रमुख आकर्षण असलेल्या नवीन संसद भवनाच्या इमारतीचे काम वेगाने सुरू आहे. या इमारतीच्या बांधकामात अब्जावधी रुपये खर्च होत आहेत.

2 / 8

पण, आता या इमारतीच्या खर्चात 282 कोटी रुपयांची वाढ झाली आहे. काही सरकारी सूत्रांकडून ही माहिती मिळाली आहे. त्यानंतर इमारतीचं काम वेगानं सुरू असून आज येथील अशोक स्तंभांचं अनावरण करण्यात आलं.

3 / 8

पंतप्रधान नरेंद्र मोदींनी नवीन संसद भवनाच्या छतावर बनविण्यात आलेल्या अशोक स्तंभाचे अनावरण केलं. यावेळी, येथील बांधकामासाठी काम करणाऱ्या कामगारांसोबत संवादही साधला.

4 / 8

नव्या संसद भवनावरील हा अशोक स्तंभ 9500 किलो ग्रॅम वजनाच्या तांबे धातूपासून बनविण्यात आला आहे. या स्तंभाची उंची 6.5 मीटर एवढी आहे.

5 / 8

नवीन संसंद भवन इमारतीच्या मध्यवर्ती भागावर हा स्तंभ उभारण्यात आला आहे. त्यासाठी, फाऊंडेशन तयार करण्यासाठी 6500 किलो ग्रॅम वजनाच्या स्टील साहित्याचा वापर करण्यात आला आहे.

6 / 8

नवीन संसद भवन इमारतीच्या कागदोपत्री बनवलेला आराखड्यापासून ते अशोक स्तंभाची प्रत्यक्ष निर्मित्ती ही प्रक्रिया 8 वेगवेगळ्या टप्प्यांमधून पार पडली आहे.

7 / 8

दरम्यान, संसद भवन प्रकल्पाच्या भूमिपूजन कार्यक्रमानंतर एक वर्षांहून अधिक कालावधीत प्रकल्पाची किंमत सुमारे 29 टक्क्यांनी वाढून सूमारे 1250 कोटी झाली आहे.

8 / 8

प्रस्तावित चार मजली इमारत सुमारे 13 एकर क्षेत्रात पसरली आहे. राष्ट्रपती भवनाच्या अगदी जवळ असलेला हा प्रकल्प यापूर्वी देशाच्या 75 व्या स्वातंत्र्य सोहळ्यापर्यंत पूर्ण होणे अपेक्षित होते.