बापरे! ओमायक्रॉनच्या नव्या XXB सब व्हेरिएंटची भारतात एंट्री; 'या' 4 राज्यांत सापडले 71 रुग्ण

1 / 10

जगभरात कोरोनाने थैमान घातले आहे. भारतातही कोरोना रुग्णांच्या संख्येत वाढ होत असून एकूण रुग्णांच्या संख्येने तब्बल चार कोटींचा टप्पा पार केला आहे. तर लाखो लोकांना आपला जीव गमवावा लागला आहे. अशातच आता पुन्हा एकदा कोरोनाबाबत धडकी भरवणारी माहिती समोर आली आहे.

2 / 10

ओमायक्रॉनच्या नव्या व्हेरिएंटची भारतात एन्ट्री झाली आहे. आतापर्यंत, Omicron च्या नवीन XBB सब-व्हेरिएंटची 71 प्रकरणे भारतात नोंदवली गेली आहेत. महाराष्ट्राने गुरुवारी XBB सब व्हेरिएंटच्या 5 प्रकरणांची पुष्टी केली. यापूर्वी, पश्चिम बंगाल, ओडिशा आणि तामिळनाडूमध्ये या सब व्हेरिएंटची लागण झालेले रुग्ण आढळले आहेत.

3 / 10

गेल्या 15 दिवसांच्या कालावधीत, ओडिशात 33, बंगालमध्ये 17 आणि तामिळनाडूमध्ये 16 प्रकरणे नोंदवली गेली. XBB हे Omicron च्या BA.2.75 आणि BJ.1 प्रकारांच्या संयोजनाने बनलेले आहे. सिंगापूर आणि यूएसमध्ये ऑगस्टमध्ये हे पहिल्यांदा आढळून आले. शास्त्रज्ञांचा असा विश्वास आहे की XBB सब व्हेरिएंटने रोग प्रतिकारशक्तीवर मात करण्यास सक्षम आहे,

4 / 10

कोरोना संसर्ग झालेल्यांना रुग्णालयात दाखल करणे आवश्यक आहे. हा व्हायरस नेमका किती गंभीर आहे याबाबत माहिती समोर आलेली नाही. टाइम्स ऑफ इंडियाच्या वृत्तानुसार, सिंगापूरमध्ये कोरोना संसर्गाच्या प्रकरणांमध्ये वाढ झाली आहे. तिथल्या आरोग्य मंत्रालयाने सांगितले की आतापर्यंत XBB उप-प्रकारचे परिणाम गंभीर असल्याचे कोणतेही पुरावे मिळालेले नाहीत.

5 / 10

डब्ल्यूएचओने ओमायक्रॉनला 'चिंतेचा प्रकार' असे लेबल दिल्याने, त्याचे वंश आणि दुसऱ्या पिढीतील प्रकारांना समान वागणूक दिली जात आहे. भारतात जीनोम सिक्वेन्सिंगमध्ये गुंतलेल्या शास्त्रज्ञांच्या मते, देशातील नवीन संक्रमणांपैकी सुमारे 88% BA.2.75 व्हेरिएंटमुळे होते, तर XBB सब व्हेरिएंट एकूण नवीन प्रकरणांपैकी फक्त 7% होते.

6 / 10

अहवालात डॉ. राजेश कार्यकर्ते, जीनोम सिक्वेन्सिंगचे समन्वयक, महाराष्ट्र यांनी दिलेल्या माहितीनुसार XBB हे Omicron चं एक हायब्रीड व्हर्जन आहे. सिंगापूरमध्ये, XBB सध्या इतर सर्व Omicron सब व्हेरिएंटवर वर्चस्व गाजवते. XBB जगाच्या अनेक भागांमध्ये आढळले आहे, परंतु सिंगापूरमध्ये ते खूप वेगाने वाढत आहे.

7 / 10

तीन आठवड्यांच्या आत, या सब व्हेरिएंटने तेथील सर्व दैनंदिन प्रकरणांपैकी निम्म्याहून अधिक प्रकरणे नोंदवली आहेत. आणि मृत्यूबद्दल सोशल मीडियावर अफवा पसरवणाऱ्यांवर कारवाई सुरू झाली आहे. व्हॉट्सअॅपच्या माध्यमातून पसरवल्या जाणाऱ्या अफवांविरोधात ऑनलाइन खोटे आणि फसवणूक कायदा (पोफमा) लागू करण्यात येत आहे.

8 / 10

11 ऑक्टोबर रोजी सिंगापूरमध्ये कोरोनाव्हायरस संसर्गाची 11,732 नवीन प्रकरणे नोंदवली गेली. यामध्ये मोठ्या प्रमाणावर XBB व्हेरिएंटचा संसर्ग झालेल्यांचा समावेश आहे. सिंगापूरच्या एमओएचने सांगितले की गेल्या आठवड्यात संसर्गामध्ये 22 टक्के वाढ झाली आहे. सुमारे 55 टक्के नवीन संक्रमण XBB स्ट्रेनचे आहेत. याला BA.2.10 असेही म्हणतात.

9 / 10

सिंगापूरचे आरोग्य मंत्री आंग ये कुंग यांच्या मते, XBB इतर सर्व व्हेरिएंटपेक्षा अधिक सक्रिय असल्याचे दिसते. एका हिंदी वेबसाईटने याबाबतचे वृत्त दिले आहे. जसजसा हिवाळा जवळ येत आहे, तसतसे नवीन कोविड लाटेचा धोका देखील वाढत आहे. ओमायक्रॉन सबवेरियंट्स BA.4 आणि BA.5, ज्यांनी गेल्या उन्हाळ्यात कहर केला होता.

10 / 10

चिंतेची बाब म्हणजे आता ओमाय़क्रॉनचे नवीन सबवेरिएंट्स आता पुन्हा समोर येत आहेत. वर्ल्ड हेल्थ ऑर्गनायझेशन (WHO) च्या अधिकाऱ्यांनी या आठवड्यात सांगितले की शास्त्रज्ञ ओमायक्रॉनच्या शेकडो नवीन प्रकारांवर लक्ष ठेवून आहेत. कोरोनामुळे लोकांच्या मनात भीतीचे वातावरण निर्माण झाले आहे.