राजस्थानात 'योगी'राज? एक दोन नव्हे तर चार 'महंत' भाजपाच्या तिकिटावर आमदार

1 / 10

मध्य प्रदेश, राजस्थान आणि छत्तीसगडमध्ये विजय मिळवून भाजपाने लोकसभा २०२४ ची सेमी फायनल जिंकली. तेलगंणा आणि मिझोराम हे दोन अपवाद वगळता विधानसभा निवडणुकांमध्ये भाजपाचा डंका पाहायला मिळाला.

2 / 10

राजस्थानच्या जनतेने आपली परंपरा कायम राखत सत्ताबदल केला आणि भाजपाकडे सत्तेच्या चाव्या सोपवल्या. राजस्थानमधील निकाल विविध कारणांमुळे महत्त्वाचा ठरला. यातीलच एक कारण म्हणजे इथे प्रथमच चार योगी-महंत आमदार बनले आहेत.

3 / 10

विधानसभेवर पोहचलेल्या या बाबांचा प्रमुख चेहरा म्हणजे बाबा कमलनाथ. त्यांची तुलना उत्तर प्रदेशचे मुख्यमंत्री योगी आदित्यनाथ यांच्याशी केली जाते.

4 / 10

बाबा कमलनाथ यांना राजस्थानचा योगी असेही संबोधले जाते. ते आमदार होण्यापूर्वी अलवट लोकसभा मतदारसंघाचे खासदार आहेत. आता त्यांना आपल्या एका पदाचा राजीनामा द्यावा लागेल.

5 / 10

बाबा कमलनाथ तिजारा विधानसभा मतदारसंघातून आमदार बनले. त्यांनी काँग्रेसच्या इम्रान खान यांचा सहा हजारांहून अधिक मतांनी पराभव केला. ३९ वर्षीय कमलनाथ पुढील मुख्यमंत्री असू शकतात असेही बोलले जात आहे.

6 / 10

जयपूरच्या हवामहल मतदारसंघातून बालमुकुंदाचार्य विजयी झाले आहेत. त्यांना ९७४ मतांनी निसटता विजय मिळवता आला. ते हातोज धामचे संत असून, भारतीय संत समाज आणि राजस्थानचे प्रमुखही आहेत.

7 / 10

एक आक्रमक हिंदू नेता म्हणून बालमुकुंदाचार्य यांची ओळख आहे. निवडणूक निकालाच्या दुसऱ्याच दिवशी त्यांचा एक व्हिडीओ व्हायरल झाला होता, ज्यात ते जयपूरच्या रस्त्यांवरून मांसाहारी दुकाने हटवण्यास सांगत आहे.

8 / 10

महंत प्रताप पुरी हे तारातारा मठाचे महंत आहेत. पोखरण मतदारसंघातून ते विधानसभेवर गेले. त्यांनी आपल्या काँग्रेस प्रतिस्पर्ध्याचा ३० हजारांहून अधिक मतांनी पराभव केला आहे.

9 / 10

ओटाराम देवासी हे त्यांच्या देवासी समाजाचे धर्मगुरू आहेत. राजस्थानातील सिरोही जिल्ह्यात या समाजाचा मोठा मतदार आहे. त्यांनी सिरोही मतदारसंघातून निवडणूक लढवली अन् आमदार झाले.

10 / 10

ओटाराम देवासी हे भाजपाचे जेष्ठ नेते आहेत. ते २००८ मध्ये देखील आमदार बनले होते, ते वसुंधरा राजे सरकारमध्ये मंत्री देखील राहिले आहेत.