रस्त्याचं काम सुरू असतानाच कोसळला हिमकडा, १० फूट बर्फाखाली गाडले गेले कामगार, घटनास्थळाचे थरकाप उडवणारे फोटो

1 / 9

उत्तराखंडमधील चमोली जिल्ह्यातील माणा गावामध्ये आज सकाळी हिमकडा कोसळून मोठी दुर्घटना घडली असून, त्यात ५७ कामगार गाडले गेले होते. यापैकी काही कामगारांना वाचवण्यात आलं असून, इतरांना वाचवण्याचे प्रयत्न सुरू आहेत. दरम्यान, या घटनास्थळावरचे भयावह फोटो समोर आले आहेत.

2 / 9

उत्तराखंडमधील चमोली जिल्ह्यातील बद्रीनाथ धाम जवळ हिमकडा तुटल्याने ही दुर्घटना घडली. या घटनेमध्ये ५७ कामगार हे बर्फाखाली गाडले गेले. त्यातील १० जणांना वाचवण्यात यश आले आहे.

3 / 9

बद्रीनाथ धामपासून सुमारे ३ किमी पुढे माणा क्षेत्रामध्ये रस्ता बांधण्याचं काम सुरू होतं. याचदरम्यान, अचानक एक हिमकडा कोसळला आणि तिथे असलेले कामगार हे या बर्फाच्या ढिगाऱ्याखाली सापडले.

4 / 9

सद्यस्थितीत घटनास्थळावर मदतकार्य वेगाने सुरू आहे. मात्र प्रचंड हिमवृष्टी आणि खराब हवामानामुळे मदतकार्यात अडथळे येत आहेत. प्रशासन आणि बॉर्डर रोड ऑर्गनायझेशनची टीम मदतकार्यात गुंतली आहे.

5 / 9

या दुर्घटनेची माहिती मिळताच चमोली जिल्हा प्रशासन आणि बीआरओच्या पथकाने घटनास्थळी धाव घेतली. बर्फाखाली अडकलेल्या कामगारांना बाहेर काढण्यासाठी आधुनिक उपकरणांची मदत घेतली जात आहे.

6 / 9

उत्तराखंडचे मुख्यमंत्री पुष्कर सिंह धामी यांनी आपत्ती निवारण कक्षामध्ये अधिकाऱ्यांसोबत बैठक घेतली आहे. तसेच त्यांनी जिल्हा प्रशासनाला आणि बचाव पथकांना वेगाने काम करण्याची सूचना दिली आहे.

7 / 9

परिसरात मोठ्या प्रमाणात होत असलेली हिमवृष्टी आणि वेगवान हवांमुळे मदत कार्यात अडथळे येत आहेत. येथील मदत कार्यात हेलिकॉप्टरचा वापर करण्याचा विचार होता. मात्र खराब हवामानामुळे उड्डाण शक्य होऊ शकलेलं नाही.

8 / 9

दुर्घटनेचं गांभीर्य विचारात घेऊन मुख्यमंत्री पुष्कर सिंह धामी यांनी गृहमंत्री अमित शाह यांच्याशी संपर्क साधला आहे. तसेच केंद्र सरकारनेही उत्तराखंड सरकारला हरसंभव मदतीचं आश्वासन दिलं आहे.

9 / 9

काम सुरू असलेल्या ठिकाणापासूनच जवळच हे कामगार तात्पुरता आसरा करून राहत होता. दुर्घटनेनंतर या कामकारांचे कुटुंबीय चिंतेत आहेत. दरम्यान, आतापर्यंत समोर आलेल्या माहितीनुसार १५ कामगारांना सुखरूपपणे बाहेर काढण्यात यश आलं आहे. तर ४२ जणांना वाचवण्यासाठी प्रयत्न सुरू आहेत.