Pooja Shukla Akhilesh Yadav UP Election 2022: अखिलेश यादवांनी जुन्या मित्राचं तिकीट कापून उमेदवारी दिलेल्या पुजा शुक्ला नक्की कोण आहेत? वाचा सविस्तर

1 / 10

Pooja Shukla: उत्तर प्रदेशचं राजकारण सध्या चांगलंच तापलंय. सत्तेची गणितं लक्षात घेता काही वेगळ्या पद्धतीचे निर्णय सर्वच पक्षांकडून घेतले जात आहेत. त्यातील एक निर्णय म्हणजे लखनौ उत्तरमधून पुजा शुक्ला यांना दिलेली उमेदवारी.

2 / 10

समाजवादी पार्टीचे प्रमुख अखिलेश यादव यांचा जवळचा जुना मित्र मानले जाणारे आणि ब्राह्मण समाजाचे प्रतिनिधित्व करणारे अभिषेक मिश्रा यांचं तिकीट कापून त्याजागी पूजा शुक्ला यांना उमेदवारी देण्यात आली.

3 / 10

अखिलेश यादवांच्या या निर्णयाची उत्तर प्रदेशच्या राजकारणात चर्चा रंगल्याचं दिसून आलं. जाणून घेऊया या चर्चेच्या केंद्रस्थानी असलेल्या पुजा शुक्ला नक्की कोण आहेत...

4 / 10

पुजा शुक्ला यांनी लखनौ विद्यापीठातील डाव्या संघटनेतून विद्यार्थी नेत्या म्हणून राजकीय प्रवासाला सुरुवात केली.

5 / 10

२०१७ मध्ये भाजपाचे सरकार उत्तर प्रदेशात स्थापन झाल्यानंतर पूजा शुक्ला यांनी मुख्यमंत्री योगी आदित्यनाथ यांना लखनौ विद्यापीठात जाताना काळे झेंडे दाखवले होते.

6 / 10

योगींना काळे झेंडे दाखवल्याप्रकरणी पुजा यांना अटक करून तुरुंगात पाठवण्यात आले होते. पूजा शुक्ला तब्बल २६ दिवस तुरुंगातच होत्या. त्या समाजवादी विद्यार्थी सभेच्या माजी राष्ट्रीय उपाध्यक्षा आहेत.

7 / 10

सरकारच्या धोरणांबाबत पूजा शुक्ला आक्रमक असतात आणि सतत आंदोलन करत असतात. त्यामुळे अनेकदा पोलिसांच्या लाठीचार्जलाही त्यांना सामोरं जावं लागतं.

8 / 10

पुजा शुक्ला या मध्यमवर्गीय कुटुंबातीलच एक आहेत. त्यांचे वडिल प्रॉपर्टी डिलर आहेत. आई गृहिणी आहे आणि लहान बहिण अजूनही शिक्षण घेत आहे.

9 / 10

२०१९ साली CAA च्या विधेयकाविरोधात पुजा शुक्ला यांनी अनेक आंदोलने केली होती. त्यामुळे त्यांच्यावर ४ FIR दाखल करण्यात आल्या होत्या.

10 / 10

यंदाच्या निवडणुकीत उत्तर लखनौतून उमेदवार असलेल्या पुजा शुक्ला यांची लढत भाजपाच्या नीरज बोरा यांच्याशी होणार असल्याने अटीतटीची झुंज पाहायला मिळेल असं बोललं जात आहे.