मराठमोळ्या राहुलची राष्ट्रकुल स्पर्धेत सोनेरी कामगिरी

1 / 6

गोल्ड कोस्ट : राष्ट्रकुल स्पर्धेतील कुस्तीच्या आखाड्यात गुरुवारी (दि.12) मराठमोळ्या कुस्तीची पताका उंचावली.

2 / 6

महाराष्ट्रातील कुस्तीपटू राहुल आवारे याने पुरुषांच्या 57 किलो वजनी गटात कॅनडाच्या स्टीफन ताकाहाशीवर मात करत सुवर्णपदकावर नाव कोरले.

3 / 6

पुरुषांच्या 57 किलो वजनी गटाच्या उपांत्य फेरीत पाकिस्तानी मल्ल मोहम्मद बिलाल याचा पराभव करत अंतिम फेरीत मुसंडी मारणाऱ्या राहुल आवारेने अंतिम फेरीतही धडाकेबाज खेळ केला.

4 / 6

एकतर्फी झालेल्या या लढतीत राहुलने सुरुवातीलाच दोन गुणांची कमाई करत झोकात सुरुवात केली. मात्र ताकाहाशीने सलग चार गुणांची कमाई करत लढतीत पुनरागमन केले.

5 / 6

मात्र, राहुलने पुन्हा एकदा सामन्यावर नियंत्रण मिळवताना कॅनेडियन कुस्तीपटूची चहुबाजूंनी कोंडी करत आघाडी मिळवली.

6 / 6

राहुलने लढतीवर अखेरपर्यंत नियंत्रण राखले आणि 15-7 अशा फरकाने दणदणीत विजय मिळवत सुवर्णपदकावर नाव कोरले.