फ्री वाय-फायचा वापर करणं पडू शकतं महागात

1 / 6

स्मार्टफोन हा प्रत्येकाच्या जगण्याचा एक महत्त्वाचा भाग झाला आहे. सार्वजनिक ठिकाणी मोफत वाय-फाय सेवा देण्यात येते. वाय-फायची गरज असल्यास कोणताही विचार न करता अनेकदा स्मार्टफोन कनेक्ट केला जातो. मात्र अशाप्रकारे फ्री वाय-फायचा वापर करणं महागात पडू शकतं. मोफत वाय-फायचा वापर केल्यामुळे महत्त्वाची माहिती चोरीला जाण्याची शक्यता अधिक असते.

2 / 6

फ्री वाय-फायचा वापर केल्यास डिजिटल व्हायरस सहजपणे आपल्या स्मार्टफोनमध्ये येण्याचा धोका असतो. हे व्हायरस स्मार्टफोन अथवा अन्य उपकरणं स्लो करतात. त्यामुळे शक्यतो फ्री वाय-फायचा वापर टाळा.

3 / 6

मोफत वाय-फायवरून शॉपिंग करण अनेकदा महागात पडू शकतं. ऑनलाईन शॉपिंग करताना अनेकदा पैशाचे व्यवहार असतात तेव्हा बँकेच्या अकाऊंटची माहिती दिली जाते. मात्र हॅकर अशाप्रकारे आपली माहिती चोरून चुकीचे व्यवहार करू शकतात.

4 / 6

हॅकर्स अनेकदा फेक नावाने वाय-फाय नेटवर्क तयार करतात. Free Network किंवा No Password अशापद्धतीने ते युजर्सना आकर्षित करतात. युजर्स मोफत वाय-फाय असल्याने आपला स्मार्टफोन कनेक्ट करतात. मात्र अशापद्धतीने कनेक्ट केल्यास डेटा चोरीला जाण्याची शक्यता अधिक असते.

5 / 6

स्मार्टफोन आणि लॅपटॉपच्या सुरक्षिततेची नेहमी काळजी घ्या. फोन आणि लॅपटॉपमध्ये लेटेस्ट ऑपरेटींग सिस्टम आणि अ‍ॅन्टी व्हायरस ठेवा. यामुळे महत्त्वाची माहिती सुरक्षित राहण्यास मदत होईल.

6 / 6

महत्त्वाचं काम असल्यामुळे अनेकदा सार्वजनिक ठिकाणी असलेल्या मोफत वाय-फायचा वापर करणं गरजेच असतं. मात्र अशा वेळी सर्वप्रथम प्रोव्हायडरची ऑथेंटिसिटी चेक करूनच त्याचा वापर करा.