महपालिका निवडणूकीसाठी २३८८ अर्ज

महपालिका निवडणूकीसाठी २३८८ अर्ज

 

पिंपरी : पिंपरी-चिंचवड महापालिका निवडणूकीसाठी उमेदवारी अर्ज भरण्याच्या शेवटच्या दिवशी शहरातील अकरा निवडणूक निर्णय अधिकाºयांच्या कार्यालयात २३८८ अर्ज दाखल केले आहेत. 

पिंपरी-चिंचवड महापालिकेची निवडणूक २१ फेब्रुवारीला होत आहे. त्यासाठी उमेदवारी अर्ज दाखल करण्याचा आजचा शेवटचा दिवस होता. उमेदवारी अर्ज दाखल करण्यासाठी दुपारी तीनपर्यंतची वेळ होती. त्यामुळे निवडणूक निर्णय अधिकाºयांच्या कार्यालयात दुपारी तीननंतर प्रवेश बंद करण्यात आला. निवडणूकीसाठी शहरातील ५५०४ जणांनी उमेदवारी अर्ज आॅनलाईन भरले होते. शहरातील ११ निवडणूक निर्णय अधिकाºयांच्या कार्यालयामध्ये मोठ्याप्रमाणावर अर्ज सादर करणाºयांची गर्दी होती. तर कार्यालयाबाहेर त्यांच्याबरोबर आलेल्या समर्थकांची गर्दी होती. तीनपूर्वी कार्यालयात आलेल्यांचे अर्ज भरून घेण्याचे काम सायंकाळपर्यंत सुरू होते. बंडखोरी टाळण्यासाठी सर्वच राजकीय पक्षांनी दक्षता घेतली होती. उमेदवारी अर्जासोबतच जोडपत्र अ आणि ब देणे बंधनकारक असल्याने एबी फार्म उमेदवारांपर्यंत पोहोचविण्यासाठी काँगे्रस, राष्ट्रवादी काँग्रेस, शिवसेना, भाजपा, बसपा, मनसे अशा सर्वच पक्षांच्या नेत्यांची तारांबळ उडाली होती. 

गुरूवारपर्यंत ६०३ अर्ज दाखल झाले होती. आज दुपारी तीनपर्यंत १७८५ असे २३८८ उमेदवारी अर्ज दाखल झाले आहेत. 

राजकीय पक्षांनी जोडपत्र अ आणि ब हे उमेदवारी अर्जासोबत जोडणे अनिवार्य असल्याने भारतीय जनता पक्ष, काँग्रेस, शिवसेना आणि मनसे या पक्षांनी अ फार्म आयुक्त दिनेश वाघमारे यांच्याकडे सुपूर्त केला होता. तर जोडपत्र ब हा थेट निवडणूक निर्णय अधिकाºयांकडे देणे अनिवार्य होते. त्यामुळे उमेदवारीसाठी जोडपत्र ब देण्याचा गोंधळ सायंकाळपर्यंत सुरू होता.  

निवडणूक कार्यालयअर्ज दाखल

१)चिखली252

२)इंद्रायणीनगर159

३)अंकुशराव लांडगे सभागृह233

४)नेहरूनगर148

५) प्राधिकरण248

६)हेगडेवार भवन212

७) चिंचवड लिंक रोड303

८) करसंकलन थेरगाव226

९) ड प्रभाग रहाटणी176

१०)आयटीआय कासारवाडी219

११) पीडब्लू डी मैदान212

एकुण प्रभाग ३२2388