माहिती देणाऱ्यास २५ हजारांचे बक्षीस

आयटी अभियंता अंतरा दास या तरुणीच्या हत्याप्रकरणाची माहिती देणाºयास पुणे ग्रामीण पोलिसांकडून २५ हजारांचे बक्षीस जाहीर करण्यात आले आहे.

पिंपरी : आयटी अभियंता अंतरा दास या तरुणीच्या हत्याप्रकरणाची माहिती देणाºयास पुणे ग्रामीण पोलिसांकडून २५ हजारांचे बक्षीस जाहीर करण्यात आले आहे.
आठ महिन्यांपूर्वी तळवडे येथे अंतरा देवानंद दास (वय २३, रा. सिंधुनगर, निगडी, मूळ-पश्चिम बंगाल) या तरुणीचा खून झाला होता. याप्रकरणी देहूरोड पोलीस ठाण्यात गुन्हा दाखल आहे. पोलिसांनी याप्रकरणी संतोषकुमार याला बंगळूर येथून अटकही केली होती. मात्र, तपासाच्या दृष्टीने अद्यापही पुरेशी माहिती मिळालेली नाही. नेमके मारेकरी कोण आहेत, कितीजण होते, याबाबतचा तपास अद्याप सुरू आहे. यासाठी पुणे ग्रामीण पोलिसांकडून पथकाची नेमणूक करण्यात आली आहे. मात्र, आठ महिन्यांनंतरही मारेकºयांपर्यंत पोहोचता आले नाही.
दरम्यान, याप्रकरणी कोणाला अधिक माहिती असल्यास माहिती देण्याचे आवाहन पुणे ग्रामीण पोलीस दलाच्या स्थानिक गुन्हे शाखेकडून करण्यात आले आहे. योग्य माहिती देणाºयास पोलिसांकडून २५ हजारांचे बक्षीस जाहीर करण्यात आले आहे.