Pune| मैत्रिणीसमोर मारहाण करून अपमानित केल्याने तरुणाची आत्महत्या
By नारायण बडगुजर | Published: September 16, 2022 08:03 AM2022-09-16T08:03:26+5:302022-09-16T08:03:58+5:30
भोसरी पोलीस ठाण्यात गुन्हा दाखल....
Pune| मैत्रिणीसमोर मारहाण करून अपमानित केल्याने तरुणाची आत्महत्या
Next पिंपरी : मैत्रिणीसमोर मारहाण करून तरुणाला अपमानित केले. याचे खूप वाईट वाटल्याने तरुणाने गळफास घेऊन आत्महत्या केली. भोसरी येथे २५ मे २०२२ रोजी ही घटना घडली. या प्रकरणी बुधवारी (दि.१४) भोसरी पोलीस ठाण्यात गुन्हा दाखल करण्यात आला.
प्रतीक संतोष कुतवळ (वय २०, रा. शास्त्री चौक, भोसरी) असे आत्महत्या केलेल्या तरुणाचे नाव आहे. या प्रकरणी त्याचे वडील संतोष जालिंदर कुतवळ (वय ४२, रा.भोसरी) यांनी फिर्याद दिली. प्रथमेश महादू पठारे (वय २०, रा. पठारे मळा, चऱ्होली) याच्यावर पोलिसांनी गुन्हा दाखल केला.
पोलिसांनी दिलेल्या माहितीनुसार, प्रतीक याचे त्याच्या एका मैत्रिणीसोबत प्रेमसंबंध होते. त्या प्रेमसंबंधांवरून प्रतिक याला त्याच्या मैत्रिणीसमोर आरोपीने मारहाण करून अपमानित केले. मैत्रिणीसमोर मारहाण केल्याने प्रतीक याला खूप वाईट वाटले. यातून त्याने गळफास घेऊन आत्महत्या केली. त्याला आत्महत्येस प्रवृत्त केल्याप्रकरणी गुन्हा दाखल करण्यात आला.