छेड काढल्यानंतर पोलिसांना फोन करणाऱ्या तरुणीचा मोबाईल पळवला

तरुणी पोलिसांना फोन करीत असताना आरोपीने मोबाईल हिसकावून घेऊन पळून गेला. वाकडे येथे फेब्रुवारी ते २६ सप्टेंबर २०२१ या कालावधीत ही घटना घडली

ठळक मुद्देमाझ्याशी मैत्री कर, असे म्हणून आरोपीने फिर्यादीला त्रास दिला आरोपीने फिर्यादीच्या अंगावर कागदाचे तुकडे फेकले

पिंपरी : माझ्यासोबत मैत्री कर, असे म्हणून तरुणीला मेसेज केले. तसेच तिच्या कामाच्या ठिकाणी जाऊन आरडाओरडा केला. त्यावेळी तरुणी पोलिसांना फोन करीत असताना आरोपीने मोबाईल हिसकावून घेऊन पळून गेला. वाकडे येथे फेब्रुवारी ते २६ सप्टेंबर २०२१ या कालावधीत ही घटना घडली. 

ऋषिकेश गायकवाड (रा. नेरे, ता. मुळशी), असे आरोपीचे नाव आहे. याप्रकरणी २२ वर्षीय तरुणीने रविवारी (दि. २६) वाकड पोलिस ठाण्यात फिर्याद दिली. पोलिसांनी दिलेल्या माहितीनुसार, फिर्यादीला वारंवार फोन करून व मेसेज करून आरोपी त्रास देत होता. त्यामुळे फिर्यादीने त्याचा नंबर ब्लॉक केला होता. तरीदेखील आरोपी वेगवेगळ्या नंबर वरून मेसेज व फोन करून धमकी देत होता. माझ्याशी मैत्री कर, असे म्हणून आरोपीने फिर्यादीला त्रास दिला.

गाडी बाजूला घेण्यास सांगितल्याने भररस्त्यात पकडली 'पीएसआय'ची कॉलर

फिर्यादी तरुणी रविवारी (दि. २६) तिच्या कामाच्या ठिकाणी गेली असता आरोपी तेथे आला. त्यावेळी आरोपीने फिर्यादीच्या अंगावर कागदाचे तुकडे फेकले. झाले का तुझ्या मनासारखे असा म्हणून आरोपीने आरडाओरडा केला. त्यामुळे फिर्यादीने पोलिसांना फोन करण्यासाठी फोन काढला असता सात हजार रुपयांचा तो मोबाईल फोन आरोपी घेऊन पळून गेला.