‘लोकमत’ कार्यालयाचा बुधवारी वर्धापनदिन

महाराष्ट्राचा मानबिंदू असणाऱ्या ‘लोकमत’ची पिंपरी-चिंचवड शहर परिसरात दमदार वाटचाल सुरू आहे

पिंपरी : महाराष्ट्राचा मानबिंदू असणाऱ्या ‘लोकमत’ची पिंपरी-चिंचवड शहर परिसरात दमदार वाटचाल सुरू आहे. ‘लोकमत’ पिंपरी-चिंचवड आवृत्तीचा १८वा वर्धापन दिन सोहळा बुधवारी (दि. २८) साजरा होत आहे. चिंचवड येथील प्रा. रामकृष्ण मोरे प्रेक्षागृहात सायंकाळी पाच ते नऊ या वेळेत स्नेहमेळावा होणार आहे.
समाजहितासाठी आक्रमकता आणि विधायक दृष्टिकोनामुळे ‘लोकमत’ पुणे शहर व जिल्ह्यातील जनतेचा आवाज बनला आहे. वाचकांच्या भरभक्कम, उदंड पाठबळावरच्या या अग्रेसर प्रवासात ऋणानुबंधाच्या गाठी आणखी घट्ट करणारा सोहळा म्हणजेच पिंपरी-चिंचवड विभागीय कार्यालयाचा वर्धापन दिन होय.
सर्वच स्तरांतील घटना, घडामोडींची, समाजघटकांची योग्यप्रकारे दखल घेणारा समाजमनाचा आरसा मानला जाणाºया लोकमतने वाचकांच्या मनात अढळ स्थान निर्माण केले आहे. लोकमत केवळ वृत्तपत्र नसून, विधायक चळवळ बनले आहे. समाजपरिवर्तन आणि विकासप्रक्रियेत लोकमतचे योगदान महत्त्वपूर्ण ठरू लागले आहे.
पिंपरी-चिंचवडनगरीतील सामाजिक, सांस्कृतिक, राजकीय, उद्योग, प्र्रशासकीय क्षेत्रातील मान्यवरांबरोबरच ‘लोकमत’च्या वाचकांचा या निमित्त स्नेहमेळावा होणार आहे. प्रा. रामकृष्ण मोरे प्रेक्षागृहात होणाºया सोहळ्यात शहर व मावळच्या विकासावर आधारित ‘ब्रॅण्ड पिंपरी-चिंचवड’ या वर्धापन दिन विशेष पुरवणीचे प्रकाशन करण्यात येणार आहे.
वाचक, विक्रेते, विविध क्षेत्रांतील मान्यवरांनी
सोहळ्यास उपस्थित राहावे, असे आवाहन लोकमत परिवारातर्फे केले आहे.