सांगवीत एकावर कोयत्याचे वार ; चार अज्ञात हल्लेखोरांविरूद्ध गुन्हा दाखल

मित्राच्या दुचाकीचा अपघात झाल्याचे कळताच त्याच्या मदतीसाठी जात असलेल्या एकाला दोन दुचाकीवरून आलेल्या चौघांनी अडविले. त्यांना थांबवुन डोक्यात कोयत्याचे व तलवारीचे वार केले.

पिंपरी : मित्राच्या दुचाकीचा अपघात झाल्याचे कळताच त्याच्या मदतीसाठी जात असलेल्या एकाला दोन दुचाकीवरून आलेल्या चौघांनी अडविले. त्यांना थांबवुन डोक्यात कोयत्याचे व तलवारीचे वार केले. जीवे मारण्याचा प्रयत्न करून आरोपी पळून गेले. ही घटना बुधवारी सांयकाळी सातच्या सुमारास डायनॉसोर उद्यानाजवळ घडली. अद्याप कोणालाही अटक झालेली नाही. हल्ल्यात जखमी झालेल्याचे नाव रेवणसिद्ध इराण्णा माडगूळ (वय २१, रा. कासारवाडी) असे आहे. 

पोलिसांनी दिलेल्या माहितीनुसार, रेणसिद्ध इरण्णा माडगूळ यांनी अनोळखी चार हल्लेखोरांविरुद्ध फिर्याद दिली आहे. त्यांचा मित्र वैभव याचा दुचाकीचा अपघात झाला, असल्याची माहिती त्यांना मिळाली. वैभवच्या मदतीसाठी ते निघाले. मल्हार सोसायटी पिंपळेगुरव येथे बोलावले असल्याने त्या दिशेने ते निघाले. डायनॉसोर उद्यानोजवळ गेले असता, त्यांच्यापढे दोन दुचाकीवरून चारजण आले. एका दुचाकीवरील पाठीमागे बसलेल्या आरोपीने हातातील कोयत्याने फिर्यादीच्या डोक्यात वार केले. दुसºया दुचाकीवरील पाठीमागे बसलेल्या तरूणाच्या हातात तलवार होती. त्याने तलवारीचे वार केले. फिर्यादीला जखमी करून हल्लेखोर पसार झाले. या प्रकरणी सांगवी पोलीस अधिक तपास करीत आहेत.