डांगे चौकात वाहतूक पोलिसाला मारहाण 

थेरगावातील डांगे चौकात वाहनांना धडक पळ काढणाऱ्या वाहनचालकाला थांबविल्याच्या रागातून वाहतूक पोलिसाला दोघांनी धक्काबुक्की करत मारहाण केली.

ठळक मुद्देअपघाताची विचारपूस केल्याचा राग : दोघांवर गुन्हा दाखल करण्याचे काम सुरु 

पिंपरी-चिंचवड : थेरगावातील डांगे चौकात वाहनांना धडक पळ काढणाऱ्या वाहनचालकाला थांबविल्याच्या रागातून वाहतूक पोलिसाला दोघांनी धक्काबुक्की करत मारहाण केली तसेच त्यांच्या गणवेशाची बटणे तोडली. याप्रकरणी सुरज परमार याला पोलिसांनी ताब्यात घेतले असून हा प्रकार बुधवारी (दि. २९) रात्री घडला. याप्रकरणी पोलीस नाईक कुंदन तोतरे यांनी फिर्याद दिली. आरोपीविरुद्ध गुन्हा दाखल करण्यात आला आहे. 
  सूत्रांनी दिलेल्या माहितीनुसार, डांगे चौकात वाहतुक नियमन करत असताना परमार दोन वाहनांना धडक देऊन पळून जाण्याच्या प्रयत्नात असताना तोतरे यांनी त्याला अडविले व थांबण्यास सांगितले. वाहनचालक व त्याच्यासोबत असलेल्या अन्य एकाने तोतरे यांच्याशी  हुज्जत घालत त्यांना  दमदाटी करून धक्काबुक्की केली. तसेच त्यांच्या गणवेशाची बटणे तोडली. यापैकी वाहन चालक असलेल्या सुरज परमार याला पोलिसांनी ताब्यात घेतले असून बाप्या उर्फ बापू डांगे नावाच्या आणखी एकाचा शोध सुरु आहे.