मुलाच्या अपहरणाचा उधळला डाव

बोपखेल येथील गणेशनगरमध्ये राहाणाºया राजाराम ढेरे यांच्या तीन वर्षाच्या मुलाच्या अपहरणाचा प्रयत्न झाला़ मात्र, घरात मुलाची आजी असल्याने हा अपहरणाचा डाव फसला.

बोपखेल : बोपखेल येथील गणेशनगरमध्ये राहाणाºया राजाराम ढेरे यांच्या तीन वर्षाच्या मुलाच्या अपहरणाचा प्रयत्न झाला़ मात्र, घरात मुलाची आजी असल्याने हा अपहरणाचा डाव फसला. दिघी पोलिसांकडे धाव घेतली मात्र पोलिसांनी गांभीर्याने न घेता, पुन्हा असा प्रयत्न झाल्यास १०० क्रमांकावर संपर्क साधा, असा सल्ला दिला. अपहरणाच्या उद्देशाने आलेली अज्ञात व्यक्ती सीसीटीव्ही कॅमेºयात कैद झाली असून पुन्हा त्या व्यक्तीचा बोपखेलमध्ये वावर दिसून आला. त्यामुळे ढोरे कुटुंबीय भयभीत झाले आहे़
बोपखेल, गणेशनगर भागातील कॉलनी क्रमांक सात मधील ही घटना आहे. आईवडील सकाळी साडेसहा वाजता कामानिमित्त घराबाहेर पडले असता एका अनोळखी व्यक्तीने ढोरे यांच्या घरात प्रवेश केला.
घरात असलेल्या मुलाच्या आजीला म्हणाला, याच्या वडिलांनी या मुलाला घेऊन येण्यास सांगितले आहे़ मात्र आजीने मुलाला पाठविण्यास नकार दिला असता त्या अनोळखी इसमाने मुलाला हिसकावण्याचा प्रयत्न केला. त्या वेळी आजी भारती कुºहाडे यांनी आरडाओरडा केला़ त्यामुळे त्या व्यक्तीने तेथून धूम ठोकली. ही बाब आजीने मुलाच्या आई वडिलांना सांगितली.
आईवडील तातडीने घरी पोहोचले़ आजूबाजूला चौकशी केली असता देवकर डेअरी येथील सीसीटीव्ही मध्ये तो इसम दिसला. मात्र, तोंडावर मास्क असल्याने त्याला ओळखणे कठीण झाले आहे.