भरधाव क्रेनची सायकलस्वार, मोटार, दुचाकी, प्रवासी रिक्षास जोरदार धडक; धडकेत सायकलस्वार वृद्धाचा मृत्यू

किवळे : विकासनगर येथील मुख्य चौकात भरधाव क्रेनने एक सायकलस्वार, मोटार, दुचाकी, प्रवासी रिक्षास जोरदार धडक देऊन सायकलस्वारास फरफटत नेल्याने झालेल्या अपघातात वृद्धाचा मृत्यू झाला आहे. गुरुवारी सकाळी साडेदहाच्या सुमारास अपघात झाला.
निवृती बाबूराव सुतार (वय ७५, रा. विकासनगर, किवळे) असे अपघातात मरण पावलेल्या वृद्धाचे नाव आहे. एहसास राय (दत्तवाडी, आकुर्डी) या क्रेनचालकास नागरिकांनी पकडून पोलिसांच्या ताब्यात दिले.
अपघातस्थळी प्रत्यक्षदर्शींनी दिलेल्या माहितीनुसार, गुरुवारी सकाळी साडेदहाच्या सुमारास देहूरोडहून किवळेकडे जाणाºया भरधाव क्रेनने (एमएच १४ सीएम ३७३) विकासनगर येथील छत्रपती शिवाजी चौकात सायकलस्वारास धडक दिल्यानंतर चौकातील स्वागत कमान, दुकानासमोर उभ्या दुचाकी (एमएच ०१ एके ९३०७), मोटार (एमएच १४ जीए ७९५८), रिक्षा (एमएच १४ सीयू २०१३) या तीन वाहनांनाही धडकून नुकसान केले. अपघातात गंभीर जखमी सुतार यांना देहूरोड येथील खासगी रुग्णालयात नेले असता उपचारापर्ू्वीच ते मरण पावल्याचे डॉक्टरांनी जाहीर केले. संबंधित क्रेनचे ब्रेक फेल झाले असल्याची चर्चा होती.