सोनेखरेदीचा मुहूर्त चुकणार

सराफांच्या बंदमुळे साडेतीन मुहूर्तांपैकी एक असलेल्या गुढीपाडव्याच्या मुहूर्ताला यंदा सोने खरेदी करता येणार नाही. दुकाने बंद असल्याने महिलांनी सोने खरेदीला मुरड घातली आहे.

पिंपरी : सराफांच्या बंदमुळे साडेतीन मुहूर्तांपैकी एक असलेल्या गुढीपाडव्याच्या मुहूर्ताला यंदा सोने खरेदी करता येणार नाही. दुकाने बंद असल्याने महिलांनी सोने खरेदीला मुरड घातली आहे.
सराफांच्या या बंदला ३९ दिवस पूर्ण झाले आहेत. प्रथमच अशी वेळ आहे की, सोने खरेदीपासून सर्व जण वंचित राहणार आहेत. पाढव्यादिवशी सोने खरेदी करणे शुभ मानले जाते. या दिवशी सर्वांत मोठी उलाढाल असते ती सोन्याची. प्रथमच सोन्याची दुकाने पाडव्यादिवशी बंद असल्याने मोठी अडचण निर्माण होणार आहे. मात्र, काही सराफ व्यावसायिक या दिवशी दुकाने सुरू ठेवणार आहेत का, याकडे सर्वांचे लक्ष लागले आहे.(प्रतिनिधी)