‘भयमुक्त’ भोसरीचे स्वप्न पूर्ण करू

प्रभाग क्रमांक ५ गवळीनगर, राधानगरी, सावंतनगर, संत तुकारामनगरमधील राष्ट्रवादी काँग्रेस पक्षाचे उमेदवार अजित गव्हाणे,

भोसरी : प्रभाग क्रमांक ५ गवळीनगर, राधानगरी, सावंतनगर, संत तुकारामनगरमधील राष्ट्रवादी काँग्रेस पक्षाचे उमेदवार अजित गव्हाणे, वसंत नाना लोंढे, अनुराधा गोफणे व कोमल फुगे यांच्या प्रचारार्थ गुरुवारी पदयात्रा काढण्यात आली.
काही दिवसांपासून भोसरीत दहशतीचे वातावरण निर्माण झाले आहे. आता तर राष्ट्रवादीच्या कार्यकर्त्यांना मारहाण करण्यापर्यंत मजल गेली असल्याने कायदा व सुव्यस्थेचा गंभीर प्रश्न निर्माण झाला आहे. त्यामुळे समाजजीवन भयभीत झाले आहे. या दहशतीचा बिमोड करून भयमुक्त भोसरीचे स्वप्न आम्ही पूर्ण करू, असे आश्वासन राष्ट्रवादीचे उमेदवार अजित गव्हाणे यांनी या वेळी दिले.
दुपारी गव्हाणे पेट्रोल पंपापासून पदयात्रेस सुरुवात झाली. संत तुकारामनगर, साईसिद्धनगर, दिघीरोड़, लक्ष्मीनगर, गवळीनगर, श्रीराम कॉलनी, आळंदी रोड, दुर्गा माता कॉलनी, जय महाराष्ट्र चौक,
सावंत नगर, महादेवनगर दिघी रस्तामार्गे पुन्हा पेट्रोल पंपापर्यंत काढण्यात आली. या वेळी महिला, तरुण, ज्येष्ठ नागरिक पदयात्रेत सहभागी होत होते. (वार्ताहर)