माझे तुझ्यावर प्रेम आहे म्हणत तरुणीचा विनयभंग; तळेगाव दाभाडेमधील घटना

तळेगाव दाभाडेत सायंकाळी पाचच्या सुमारास हा प्रकार घडला...

पिंपरी : माझे तुझ्यावर प्रेम आहे आणि तू मला खूप आवडेतस, असे म्हणून तरुणीच्या मनास लज्जा उत्पन्न होईल असे कृत्य केले. विनयभंग प्रकरणी दोघांच्या विरोधात पोलिसांनी गुन्हा दाखल केला. तळेगाव दाभाडे येथे सोमवारी (दि. २८) सायंकाळी पाचच्या सुमारास हा प्रकार घडला. 

पीडित १९ वर्षीय तरुणीने याप्रकरणी बुधवारी (दि. ३०) तळेगाव दाभाडे पोलीस ठाण्यात फिर्याद दिली. त्यानुसार पोलिसांनी प्रशांत दाभाडे (रा. भौर, ता. मावळ) याच्यासह आणखी एका जणाच्या विरोधात गुन्हा दाखल केला.

पोलिसांनी दिलेल्या माहितीनुसार, फिर्यादी तरुणी ब्युटी पार्लरसच्या क्लासनंतर पायी घरी जात होती. त्यावेळी आरोपी तिच्या पाठीमागे आले होते. त्यानंतर आरोपी फिर्यादी तरुणीजवळ आला. माझे तुझ्यावर प्रेम आहे आणि तू मला खूप आवडतेस, असे आरोपी म्हणाला. मनास लज्जा उत्पन्न होईल, असे कृत्य करून फिर्यादी महिलेचा विनयभंग केला. तसेच फिर्यादी तरुणी येण्या-जाण्याची संपूर्ण माहिती देणाऱ्या दुसऱ्या आरोपीने फिर्यादीकडे पाहून हातवारे करून हसत होता, असे फिर्यादीत नमूद आहे.