पिंपळे गुरवमध्ये महिलेवर बलात्कार करून जीवे मारण्याची धमकी

दुपारी तीनच्या सुमारास ही घटना घडली...

पिंपरी : घरगुती साहित्य घराबाहेर काढल्याबाबत विचारणा केल्याने महिलेला शिवीगाळ केली. तसेच जीवे मारण्याची व बलात्कार करण्याची धमकी दिली. याप्रकरणी नऊ जणांच्या विरोधात गुन्हा दाखल केला. पिंपळे गुरव येथे मंगळवारी (दि. ७) दुपारी तीनच्या सुमारास ही घटना घडली. 

याप्रकरणी पीडित महिलेने बुधवारी (दि. ८) सांगवी पोलीस ठाण्यात फिर्याद दिली. रोहन सुभाष चव्हाण (रा. दारूवाला पूल, पुणे), आकाश उर्फ सनी हेमराज बेलखेडे, वसीम अस्लम शेख, शिवम रामतिरत जैस्वाल, राहुल रवींद्र बाविस्कर आणि चार महिलांच्या विरोधात पोलिसांनी गुन्हा दाखल केला. 

पोलिसांनी दिलेल्या माहितीनुसार, आरोपी हे फिर्यादी महिलेच्या घरात जबरदस्तीने घुसून त्यांच्या राहत्या घरातील सामान गोण्यांमध्ये भरून टेरेसवर व जिन्यामध्ये ठेवत होते. त्याबाबत फिर्यादीने विचारणा केली. त्यावेळी आरोपींनी महिलेला शिवीगाळ केली. जीवे मारण्याची धमकी देऊन अश्लील शेरेबाजी करून बलात्कार करण्याची धमकी देखील आरोपींनी दिली, असे फिर्यादीत नमूद आहे.