सुटीच्या दिवशीही कर भरणा सुरू

मिळकतकराचा भरणा करण्यासाठी ३१ मार्चपर्यंतची मुदत आहे. अधिकाधिक कराचा भरणा व्हावा, यासाठी सुटीच्या दिवशीही करसंकलन विभागीय कार्यालये सुरू राहणार आहेत.

पिंपरी : मिळकतकराचा भरणा करण्यासाठी ३१ मार्चपर्यंतची मुदत आहे. अधिकाधिक कराचा भरणा व्हावा, यासाठी सुटीच्या दिवशीही करसंकलन विभागीय कार्यालये सुरू राहणार आहेत.
शहरातील ३ लाख १८ हजार ३८१ मिळकतधारकांनी ३७७ कोटी ५३ लाखांचा भरणा केला आहे. तर थकबाकी असलेल्या महापालिका हद्दीतील १४१ मिळकतधारकांना जप्तीचे अधिपत्र बजाविण्यात आले होते. त्यापैकी ९० मिळकतधारकांकडून ३ कोटी ३० लाख रुपयांची थकबाकी वसूल करण्यात आली. नागरिकांच्या सोयीच्या दृष्टीने गुड फ्रायडे, शनिवार आणि रविवार या साप्ताहिक सुटीच्या दिवशीही करसंकलन कार्यालयाचे कामकाज सुरू राहणार आहे.
(प्रतिनिधी)