Pimpri Chinchwad Police: पोलिसाची किरकोळ कारणावरून धरली कॉलर; शिवीगाळ करून हातही पिरगळला

सरकारी कामामध्ये अडथळा आणल्या प्रकरणी गुन्हा दाखल करून पोलिसांनी तीन जणांना अटक

पिंपरी : पोलिसाची कॉलर धरून शिवीगाळ केली. तसेच धाकदपटशा दाखवून हात पिरगाळला. सरकारी कामामध्ये अडथळा आणल्या प्रकरणी गुन्हा दाखल करून पोलिसांनी तीन जणांना अटक केली. भुजबळ वस्ती, हिंजवडी येथे मंगळवारी (दि. २२) रात्री नऊच्या सुमारास ही घटना घडली. 

मनोहर निवृत्ती येवले (वय २१), वैभव भरत लोंढे (वय ३०), राजकुमार देविदास कांबळे (वय ३२, तिघेही रा. कस्तुरी चौक, भुजबळ वस्ती, हिंजवडी) अशी अटक केलेल्यांची नावे आहेत. पोलीस नाईक सचिन लक्ष्मण येवले यांनी याप्रकरणी बुधवारी (दि. २३) हिंजवडी पोलीस ठाण्यात फिर्याद दिली. 

पोलिसांनी दिलेल्या माहितीनुसार, भुजबळ वस्ती हिंजवडी येथे सिमेंट काँक्रिटीकरण चालू होते. तेथे सिमेंट काँक्रीटकरणचा ट्रक पाठीमागे घेण्यासाठी फिर्यादी थांबले होते. त्यावेळी ट्रक पाठीमागे जाऊन देखील आरोपींनी वाहतूक थांबविली‌. तसेच फिर्यादीला बावधन पोलीस चौकी येथे सरकारी कर्तव्य करण्यासाठी जाऊ न देता सरकारी कामामध्ये अडथळा निर्माण केला. फिर्यादीची कॉलर धरून शिवीगाळ केली. तसेच धाकदपटशा दाखवून फिर्यादीचा हात पिरगाळला, असे फिर्यादीत नमूद आहे.