पिंपरी-चिंचवड दलातील २७ पोलिस निरीक्षकांची बदली; लोकसभा निवडणुकीच्या पार्श्वभुमीवर बदल्या

विशेष पोलिस महानिरीक्षक (आस्थापना) के एम मल्लिकार्जुन प्रसन्ना यांनी मंगळवारी (दि. ३०) बदलीचे आदेश दिले आहेत....

पिंपरी : आगामी लोकसभा निवडणुकीच्या पार्श्वभूमीवर राज्यातील १३० पोलिस निरीक्षकांच्या बदल्या झाल्या. पिंपरी - चिंचवड शहरातून २७ पोलिस निरीक्षक इतर ठिकाणी गेले असून राज्याच्या विविध घटकांमधून २४ पोलिस निरीक्षक पिंपरी -चिंचवड शहरात आले आहेत.

स्वग्राम जिल्ह्यात नेमणुकीस असलेले पोलिस अधिकारी व ३० जून २०२४ पर्यंत किंवा त्यापूर्वी चार वर्षांपैकी तीन वर्ष कार्यकाल पूर्ण झालेल्या अधिकाऱ्यांच्या बदल्या झाल्या आहेत. बदलीवर हजर झालेल्या पोलिस निरीक्षकांना घटकांतर्गत पदस्थापना देताना त्यांची मूळ जिल्ह्यात नेमणूक झाली असेल तर कार्यकारी पद देता येणार नसल्याचे बदली आदेशात नमूद आहे. विशेष पोलिस महानिरीक्षक (आस्थापना) के एम मल्लिकार्जुन प्रसन्ना यांनी मंगळवारी (दि. ३०) बदलीचे आदेश दिले आहेत.

बदलूल गेलेले पोलिस निरीक्षक  

पिंपरी-चिंचवड पोलिस आयुक्तालयांतर्गत असलेले पोलिस निरीक्षक सुनील गोडसे, शैलेश गायकवाड, रणजीत सावंत, दीपाली धाडगे, प्रसाद गोकुळे, सुनील पिंजन, रामचंद्र घाडगे, विश्वजीत खुळे, मच्छिंद्र पंडित, बाळकृष्ण सावंत, प्रकाश जाधव, किशोर पाटील, रूपाली बोबडे, अरविंद पवार, युनूस मुलानी आणि सोन्याबापू देशमुख यांची नागपूर शहर पोलिस दलात बदली झाली. तसेच पोलिस निरीक्षक शिवाजी गवारे, शंकर डामसे, शंकर बाबर, ज्ञानेश्वर साबळे, दीपक साळुंखे आणि सुनील तांबे यांची ठाणे शहर पोलिस दलात बदली झाली. पोलिस निरीक्षक अजित लकडे, दिलीप शिंदे आणि शहाजी पवार यांची सोलापूर शहर पोलिस दलात बदली झाली. पोलिस निरीक्षक अनिल देवडे यांची छत्रपती संभाजी नगर शहर तर दशरथ वाघमोडे यांची गडचिरोली येथे बदली झाली. 

पिंपरी चिंचवड दलात आलेले पोलिस निरीक्षक 

नागपूर शहर दलातील पोलिस निरीक्षक वैजयंती मांडवधरे, विश्वनाथ चव्हाण, विनोद चौधरी, बापू ढेरे, दीपक गोसावी, प्रवीण कांबळे, प्रदीप राईनवर, अमित डोळस, संग्राम शेवाळे, अमोल देशमुख, राजेंद्रकुमार सानप, गणेश जामदार, नितीन फटांगरे, बबन येडगे, भारत शिंदे, ऋषिकेश घाडगे, भीमा नारके, भारत कराडे आणि गोरख कुंभार हे पिंपरी-चिंचवड पोलिस दलात बदली होऊन आले. तसेच डीआयजी गडचिरोलीचे पोलिस निरीक्षक अमोल फडतरे, गडचिरोलीचे निरीक्षक संदीप पाटील, अमरावती शहर दलाचे विजयकुमार वाकसे, ठाणे शहर दलाचे मालोजी शिंदे, धनंजय कापरे हे अधिकारी पिंपरी-चिंचवड पोलिस दलात आले आहेत.