Amit Shah: अमित शहा येतायत, दारे खिडक्या बंद ठेवा; गुजरात पोलिसांचे सोसायट्यांना अजब आदेश

Amit Shah Ahmedabad Visit: अमित शहा पक्षाच्या कम्युनिटी हॉलचे उद्घाटन करण्यासाठी सकाळी ११ वाजता गेले होते. आजचा दिवस ते मतदारसंघात असणार आहेत.

Amit Shah Ahmedabad Visit: अहमदाबाद पोलिसांनी (Ahmedabad Police) केंद्रीय गृह मंत्री अमित शहा यांच्या दौऱ्याआधी (Amit Shah in Ahmedabad) वेजलपूर भागातील काही सोसायट्यांच्या लोकांना त्यांच्या घरांचे दरवाजे, खिडक्या बंद करण्याचे आदेश दिले होते. अमित शहा पक्षाच्या कम्युनिटी हॉलचे उद्घाटन करण्यासाठी सकाळी ११ वाजता गेले होते. (Amit shah visit to Ahmadabad. )

अशाप्रकारचा मेसेज सोशल मीडियावर व्हायरल झाल्याने लोकांमध्ये संतापाचे वातावरण आहे. या मेसेजनुसार पोलिसांनी सोसायटींच्या अध्यक्षांना पत्र पाठविली आहेत. यामध्ये कम्युनिटी हॉलमध्ये अमित शहा येणार आहेत. या रस्त्यावर आणि बाजुने असलेल्या इमारतींमधील घरांचे दरवाजे आणि खिड्या बंद ठेवण्यात याव्यात. जर बंद ठेवल्या नाही तर कारवाई केली जाईल, अशी ताकीद या पत्रात दिली आहे. 

पोलिसांनी वेजलपूरच्या स्वामीनारायण आणि स्वाती अपार्टमेंटसह अन्य सोसायट्यांच्या अध्यक्षांना पत्र लिहिले होते. अमित शहा यांना झे़ड प्लस सिक्युरिटी आहे, व्हीआयपी गेस्ट इथे येत असल्याने घरांचे दरवाजे, खिडक्या बंद ठेवण्यात याव्यात. असे न केल्यास कारवाई करणार की नाही याबाबत या पत्रात लिहिण्यात आले नसल्याचे पडताळणीत समोर आले आहे. मात्र, सकाळी 10 वाजल्यापासून दुपारी 1 वाजेपर्यंत लोकांना बंदिस्त राहण्याची ताकीद देण्यात आली होती. 

पोलिस अधिकारी एलटी ओडेदरा यांनी यावर खुलासा केला आहे. सोसायटीच्या लोकांना खिडक्या, दारे बंद ठेवण्याची विनंती केली आहे. अशा प्रकारे व्हीआयपी लोकांची ये-जा होते तेव्हा आम्ही लोकांना अशाप्रकारची विनंती करतो. त्यांच्याकडून सहकार्याची अपेक्षा असते. असे न केल्यास व्हीआयपींच्या मुव्हमेंटमध्ये सुरक्षेसंबंधी बाधा येऊ शकते.