"30 हजार रोहिंग्यांची मतदार यादीत नोंद, एवढं होईपर्यंत अमित शहा झोपा काढत होते का?"
By ऑनलाइन लोकमत | Published: November 24, 2020 11:21 AM2020-11-24T11:21:24+5:302020-11-24T11:25:51+5:30
Asaduddin Owaisi And Amit Shah : असदुद्दीन ओवैसी यांनी केंद्रीय गृहमंत्री अमित शहा यांच्यावर जोरदार हल्लाबोल केला आहे.
"30 हजार रोहिंग्यांची मतदार यादीत नोंद, एवढं होईपर्यंत अमित शहा झोपा काढत होते का?"
Next नवी दिल्ली - एआयएमआयएमचे अध्यक्ष असदुद्दीन ओवैसी यांनी केंद्रीय गृहमंत्री अमित शहा यांच्यावर जोरदार हल्लाबोल केला आहे. रोहिंग्यांच्या मुद्द्यावरुन त्यांनी निशाणा साधला आहे. असदुद्दीन ओवैसी यांनी अमित शहांना खुलं आव्हान दिलं आहे. जर तुम्ही 30 हजार रोहिंग्यांची मतदार यादीत नोंद असल्याचे सांगत आहात तर केंद्रीय गृहमंत्री अमित शहा एवढं सर्व होईपर्यंत काय करत होते?, झोपा काढत होते का? असा सणसणीत टोला ओवैसींनी लगावला आहे.
सोमवारी हैदराबादमध्ये एका सभेला संबोधित करताना त्यांनी असं म्हटलं आहे. "मतदार यादीमध्ये 30 हजार रोहिंग्यांची नोंद आहे तर केंद्रीय गृहमंत्री अमित शहा त्यावेळी काय करत आहेत? ते झोपा काढत आहेत का? 30 ते 40 हजार रोहिग्यांची नोंद मतदार यादीमध्ये कशी झाली याकडे लक्ष देण्याचं काम त्यांचं नाही का? भाजपाचे दावे खरे असतील तर त्यांनी संध्याकाळपर्यंत अशा एक हजार नावांची तरी यादी द्यावी" असं आव्हान ओवैसी यांनी दिलं आहे.
If there're 30,000 Rohingyas in electoral list, what is Home Minister Amit Shah doing? Is he sleeping? Isn't this his job to see how are 30-40 thousand Rohingyas listed? If BJP is honest, it should show 1,000 such names by tomorrow evening: Asaduddin Owaisi #Hyderabad (23.11.20) pic.twitter.com/XrIpVa6yks
— ANI (@ANI) November 24, 2020
असदुद्दीन ओवैसी यांनी "द्वेष निर्माण करणं हाच भाजपाचा मुख्य हेतू आहे. हा वाद हैदराबाद आणि भाग्यनगरमध्ये आहे. आता कोण जिंकणार हे तुम्हीच ठरवणार आहात" असंही ओवैसी यांनी म्हटलं आहे. एका हिंदी वेबसाईटने याबाबते वृत्त दिले आहे. याआधी लव जिहाद प्रकरणावरून असदुद्दीन ओवैसी यांनी भाजपावर हल्लाबोल केला होता. ओवैसी यांनी लव जिहादवरून भाजपावर जोरदार निशाणा साधला होता. "विशेष विवाह कायदा रद्द केल्यास घटनेतील कलम 14 आणि 21 चं उल्लंघन होणार आहे. त्यांनी संविधानाचा अभ्यास करायला हवा. द्वेषाचा प्रसार करणं आता काम करणार नाही. बेरोजगारीचे बळी ठरलेल्या तरुणांचं लक्ष विचलित करण्यासाठी भाजपा नाटक करत आहे" असं ओवैसी यांनी म्हटलं होतं.
"हैदराबादला इस्तंबूल बनवण्याचा प्रयत्न सुरू", तेजस्वी सूर्या यांचा हल्लाबोलhttps://t.co/Pb2kzS99Jc#TejasviSurya#AsaduddinOwaisi#BJP#AIMIM#Hyderabadpic.twitter.com/Zi6IRPIqGt
— Lokmat (@MiLOKMAT) November 24, 2020
"ओवैसी जिनांचे अवतार, त्यांना मत देण्याचा अर्थ म्हणजे भारताविरुद्धं मत देणं"
भारतीय जनता पक्षाचे खासदार तेजस्वी सूर्या (Tejaswi Surya) यांनी एआयएमआयएम पक्षाचे अध्यक्ष आणि खासदार असदुद्दीन ओवैसी (AIMIM leader Asaduddin Owaisi) यांच्यावर जोरदार टीकास्त्र सोडलं आहे. "असदुद्दीन ओवैसी हे मोहम्मद अली जिना यांचे अवतार आहेत" असं म्हणत निशाणा साधला आहे. तेजस्वी सूर्या यांनी ओवैसींवर हल्लाबोल केला आहे. ओवैसींना मत देण्याचा अर्थ म्हणजे भारताविरुद्धं मत देणं असा घणाघात देखील केला आहे. "ही फक्त एक महानगरपालिका निवडणूक नाही, जर तुम्ही ओवैसी यांना मतं दिली तर ते महाराष्ट्र, कर्नाटक, बिहार, उत्तर प्रदेशांत मजबूत होतात" असं म्हटलं आहे. हैदराबादमध्ये प्रचार करताना तेजस्वी सूर्या यांनी असं म्हटलं आहे.
शहांसाठी तयार करण्यात आलेलं जेवण हे फाइव्ह स्टार हॉटेलमधून मागवण्यात आलं होतं, ममता बॅनर्जींचा आरोपhttps://t.co/ZHhiWzEKaa#AmitShah#MamataBanerjee#BJPpic.twitter.com/XJxT4nXdb0
— Lokmat (@MiLOKMAT) November 24, 2020